पंजाब (Punjab) काँग्रेसचे अध्यक्ष नवज्योतसिंग सिद्धू यांनी सोमवारी आम आदमी पार्टीचे भगवंत मान यांच्याशी राज्यातील दारू तस्करी, बेकायदेशीर खाणकाम आणि बेरोजगारी या मुद्द्यांवर वाद घालण्यास नकार दिला. नवज्योतसिंग सिद्धू यांनी थेट आम आदमी पार्टीचे अध्यक्ष व दिल्लीचे मुख्यमंत्री अरविंद केजरीवाल यांना चर्चेचे आव्हान दिले आहे.

सिद्धूचे आव्हान दिल्लीच्या मुख्यमंत्र्यांनी स्वीकारले, मात्र वाद विवादासाठी स्वत पुढे न येता
त्यांनी पक्षाच्या राज्य युनिटच्या प्रमुखांना पुढे केले. “@अरविंदकेजरीवाल (Arvind Kejriwal), भगवंत हे मुख्यमंत्री नाहीत. दिल्ली विमानतळ मार्गांवर बादलांच्या बसेसना कोण परवानगी देतंय? माझ्याशी वाद घालायला या! (sic),” पंजाब काँग्रेस (Congress) अध्यक्षांनी ट्विट केले.

सिद्धूच्या ट्विटला मान यांनी उत्तर दिले. त्यांनी नवज्योतसिंग सिद्धू (Navjot Singh Siddhu) यांच्यावर वादविवादापासून पळ काढल्याचा आरोप केला. “सिद्धू पाजी, तुम्ही मला का घाबरता? मुख्यमंत्री (चरणजीत सिंग) चन्नी यांच्या मतदारसंघातील अवैध वाळू उत्खननावर सिद्धू का बोलत नाहीत? चमकौर साहिबमधील बेकायदेशीर खाणकामावर त्यांनी एक शब्दही बोलला नाही, असे त्यांनी ट्विट केले. शनिवारी सुलतानपूर लोधी येथे एका सभेला संबोधित करताना सिद्धू यांनी दारू, खाणकाम आणि नोकऱ्यांवरील चर्चेसाठी दिल्लीच्या मुख्यमंत्र्यांना आव्हान केले. तिथून या वादाला सुरुवात झाली.