Shraddha Murder Case: श्रद्धा हत्याकांडात गुरुवारी मोठा खुलासा झाला आहे. हाडांच्या डीएनए नमुन्याचा अहवाल आला असून तो श्रद्धाच्या वडिलांच्या डीएनएशी मॅच झाला आहे. म्हणजेच, जंगलातून जप्त केलेली अस्थी श्राद्धाचीच होती. 26 नोव्हेंबर रोजी श्रद्धाच्या हाडांचा डीएनए तिच्या वडिलांच्या डीएनएशी मॅच झाला असल्याचे सांगण्यात आले होते. 18 मे रोजी श्रद्धाची तिचा लिव्ह-इन पार्टनर आफताब पूनावाला याने निर्घृणपणे हत्या केली होती. श्रद्धाच्या मृतदेहाचे 35 तुकडे करण्यापूर्वी त्याने मृतदेह दक्षिण दिल्लीतील मेहरौली येथील निवासस्थानी फ्रिजमध्ये ठेवला होता.

दरम्यान, आफताबला पोलिसांनी (Police) नोव्हेंबरमध्ये श्रद्धा वालकरच्या हत्येच्या आरोपाखाली अटक केली होती. गेल्या आठवड्यात श्रद्धा वालकरचे वडील विकास वालकर यांनी आपल्या मुलीची निर्घृण हत्या करणाऱ्या तिच्या लिव्ह इन पार्टनरला फाशीची शिक्षा देण्याची मागणी केली होती.

दुसरीकडे, महाराष्ट्रातील (Maharashtra) वसई पोलिसांवर आरोप करताना विकास वालकर म्हणाले होते की, 'आफताबच्या विरोधात 2020 मध्ये आपल्या तक्रारीवर कारवाई झाली असती तर श्रद्धा आज जिवंत असती.' आरोपींच्या नातेवाईकांची चौकशी करुन त्यांना कठोरात कठोर शिक्षा देण्याची मागणीही त्यांनी केली होती.

गेल्या आठवड्यात, दिल्ली न्यायालयाने श्रद्धा वालकर हत्या प्रकरणातील आरोपी आफताब पूनावालाच्या न्यायालयीन कोठडीत 14 दिवसांची वाढ केली होती. मिळालेल्या माहितीनुसार, आफताबला व्हिडिओ कॉन्फरन्सिंगद्वारे न्यायालयात हजर करण्यात आले होते. 26 नोव्हेंबर रोजी या प्रकरणाच्या शेवटच्या सुनावणीदरम्यान न्यायालयाने आफताबच्या न्यायालयीन कोठडीत 13 दिवसांची वाढ केली होती.

शिवाय, 2 डिसेंबर रोजी आफताबची नार्को चाचणी करण्यात आली, जी फॉरेन्सिक सायन्स लॅबच्या अधिकाऱ्यांनी तुरुंगात केली होती. पॉलीग्राफ आणि नार्को टेस्ट या दोन्हींचे निष्कर्ष न्यायालयात वैध नाहीत. या चाचण्या केवळ दिल्ली पोलिसांना पुरावे गोळा करण्यात मदत करतील आणि त्यामुळे दोषींवर कारवाई होण्याची शक्यता वाढेल.