कोरोना महामारीच्या (COVID-19) तीसऱ्या लाटेबद्दल वेगवेगळ्या शंका व्यक्त केल्या जात असतानाच आता अजुन एक चिंता वाढवणारी माहीती समोर आली आहे. जगभरात आजही मोठ्या प्रमाणावर कोरोना रुग्णांची प्रकरणे नोंदवली जात आहेत. त्यामुळे कोरोना विषाणुची साथ अजूनही संपलेली नाही. या सर्व परिस्थितीमध्ये भारताचा विचार केल्यास भारतातील दुसरी लाट अजूनही संपलेली नाही असे विधान केंद्रीय आरोग्य मंत्रालयाचे जॉईन सेक्रेटरी लव आग्रवाल यांनी केले आहे.

दरम्यान, तिसऱ्या लाटेचा विचार केल्यास संशोधकांच्या एका गटाने केलेल्या अभ्यासानुसार भारतात ऑगस्टमध्ये कोविड -19 प्रकरणांमध्ये मोठी वाढ होण्याची शक्यता आहे. तसेच, त्यांनी असेही म्हटले आहे की, ही लाट दुसऱ्या लाटेपेक्षा कमी धोकादायक असू शकते.

इंडियन काऊन्सिल ऑफ मेडिकल रिसर्च (ICMR) चे एपिडेमिओलॉजी आणि संसर्गजन्य रोग प्रमुख डॉ.समीरन पांडा यांनी माध्यमांशी बोलताना सांगितले की, कोविड -19 ची तिसरी लाट आली तर ती ऑगस्टच्या अखेरीस येईल.

तिसऱ्या लाटेत दररोज 100,000 ते 150,000 संसर्गाची प्रकरणे नोंदविली जाऊ शकते असा दावा हैदराबाद आणि कानपूर येथील इंडियन इन्स्टीट्यूट ऑफ टेक्नॉलॉजी IIT मध्ये मथुकुमल्ली विद्यासागर आणि मनींद्र अग्रवाल यांच्या नेतृत्वाखाली झालेल्या संशोधनातून समोर आले आहे.