Bihar Teacher Video Viral: आजच्या सोशल मीडियाच्या जमान्यात मोबाईल प्रत्येकाच्या हाती असल्याने कोणताही गैरप्रकार त्वरित रेकॉर्ड केला जातो. अनेकदा ट्रेनमध्ये घडणाऱ्या घटनांचे व्हिडीओ सोशल मीडियावर तूफान व्हायरल होतात. काही दिवसांपूर्वी, असाच एक व्हिडीओ व्हायरल झाला होता. ज्यात एक महिला एसी कोचमध्ये विनातिकीट प्रवास करत होती. तिकीट दाखवण्यास नकार दिल्यावर टीटीईने त्या महिलेला ट्रेनमधून खालीही उतरवले होते. आता या घटनेनंतर स्टेशनवर जो राडा झाला, त्याचा दुसरा व्हिडीओ व्हायरल होत आहे.

आधी हा व्हिडिओ पाहा!

स्टेशनवर कुटुंबासह गोंधळ

नवीन व्हायरल झालेल्या व्हिडीओमध्ये दिसते की, त्या महिलेने तिच्या काही नातेवाईकांना स्टेशनवर बोलावून घेतले आहे आणि आता तिथे टीटीईसोबत जोरदार वादविवाद (Argument) सुरु आहे. महिलेचे वडील टीटीईला उद्देशून बोलत आहेत की, "तुझा वाद तर तिच्याशी झाला होती ना?" त्याचवेळी, ती महिला टीटीईवर आरोप करते की, तो तिचा व्हिडिओ (Video) बनवून व्हायरल करण्याची धमकी देत होता आणि तिच्याशी गैरवर्तन करत होता. मात्र आता या गोंधळात ती महिला टीटीईला धमकी देते की, "जर तो इथे आला, तर ती त्याचे मुंडके कापेल." हा व्हिडीओ 'एक्स' प्लॅटफॉर्मवर @ChapraZila नावाच्या अकाउंटवरुन पोस्ट करण्यात आला.

व्हिडीओ पोस्ट करताना टीका

व्हिडीओ पोस्ट करताना कॅप्शनमध्ये लिहिले की, 'ही बिहारची तीच शिक्षिका आहे, जी विनातिकीट एसीमध्ये प्रवास करत असताना टीटीईशी गैरवर्तन करत होती. आता ती आपल्या वडिलांना सोबत घेऊन टीटीईला धमकी देण्यासाठी पोहोचली आहे.' कॅप्शनमध्ये पुढे म्हटले की, "अशा महिलेला शिक्षक पदावरुन तातडीने बडतर्फ (Dismiss) केले पाहिजे. जी स्वतः नियम तोडते, ती मुलांना काय संस्कार देणार? शिस्तीशिवाय असलेला शिक्षक (Teacher) समाजासाठी कलंक आहे." सरकारी शिक्षिका असूनही विनातिकीट प्रवास करणे आणि नंतर अधिकाऱ्याशी गैरवर्तन केल्यामुळे या प्रकरणाची आता सोशल मीडियावर जोरदार चर्चा सुरु आहे.