Battle of Galwan First Look Out: सलमान खान या वर्षी 'सिकंदर' चित्रपटात दिसला, पण हा चित्रपट बॉक्स ऑफिसवर कमाल दाखवू शकला नाही. यानंतर, दबंग खान आता त्याच्या पुढच्या चित्रपटाच्या तयारीत व्यस्त आहे, ज्याचे नाव 'गलवान' आहे. सलमान खानच्या या आगामी चित्रपटाचे मोशन पोस्टर शुक्रवारी (4 जुलै) रिलीज झाले. भाईजान एका दमदार लूकमध्ये दिसत आहे. पोस्टरमध्ये सलमानचा चेहरा रक्ताने माखलेला दिसत आहे. सलमानने त्याच्या इंस्टाग्राम अकाउंटवरुन चित्रपटाचे मोशन पोस्टर रिलीज केले आहे. यासोबतच त्याने लिहिले की, 'गलवान व्हॅली'.
दरम्यान, सलमानचा हा चित्रपट एका सत्य घटनेवर आधारित आहे. 'बॅटल ऑफ गलवान' चित्रपटाच्या मोशन पोस्टरमध्ये म्हटले की, 'हे युद्ध समुद्रसपाटीपासून सुमारे 15 हजार फूट उंचीवर लढले गेले. भारताने एकही गोळी न चालवता हे सर्वात धोकादायक युद्ध लढले'. पोस्टरमध्ये सलमान खानच्या डोळ्यात देशभक्तीची भावना दिसून येते.
सलमानने गुरुवारी (3 जुलै) रात्री सोशल मीडियावर एक पोस्ट शेअर केली. त्यात 'बॅटल ऑफ गलवान'ची झलक समोर आली. तेव्हापासून प्रेक्षकांमध्ये या चित्रपटाबाबत बरीच चर्चा सुरु झाली होती. मात्र संध्याकाळपर्यंत सलमानने चाहत्यांना भेट म्हणून पहिली झलक दाखवली. 2020 मध्ये गलवान खोऱ्यात भारत आणि चीनच्या सैन्यात धोकादायक चकमक झाली होती. हा परिसर लडाखमध्ये आहे. या चकमकीत बंदुकीतून एकही गोळी चालली नव्हती. मात्र अनेक भारतीय सैनिक शहीद झाले होते.
'बॅटल ऑफ गलवान'च्या पोस्टर नेटिझन्स आपल्या प्रतिक्रिया देत आहेत. नेटीझन्स सलमानचे कौतुक करत आहेत. एकाने लिहिले की, 'भाईजान शब्बास' तर दुसऱ्याने लिहिले की, 'पोस्टर पाहून मन सुन्न झाले. दुसरीकडे, ऑपरेशन सिंदूरदरम्यान गप्प राहिल्याबद्दल काही नेटिझन्स सलमानला ट्रोलही करत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.