देशाचा 73 वा प्रजासत्ताक दिन (Republic Day) संपूर्ण देशात साजरा होत आहे. या निमित्ताने आज दिल्लीतील राजपथावर देशाच्या सामर्थ्य आणि संस्कृतीचे दर्शन चित्ररथाच्या माध्यमातून पहायला मिळाले. राष्ट्रपती, पंतप्रधान, संरक्षण मंत्री,लष्कराच्या तिन्ही शाखांचे प्रमुख यांच्या उपस्थित हा सोहळा संपन्न होत आहे. फ्लाइट लेफ्टनंट शिवांगी सिंग (Shivangi Singh) राफेल लढाऊ विमान (Rafale Fighter Jet) उडवणारी भारतातील पहिली महिला वैमानिक ठरली आहे. ती नवी दिल्लीतील प्रजासत्ताक दिनाच्या परेडमध्ये सहभागी झाली होती.

भारताचे (India) लष्करी सामर्थ्य आणि सांस्कृतिक विविधता प्रदर्शित करणाऱ्या भव्य वार्षिक परेडमध्ये शिवांगी सिंग (Shivangi Singh) भारतीय वायुसेनेच्या झांकीचा एक भाग होती. प्रजासत्ताक दिनाच्या परेडमध्ये आयएएफच्या प्रदर्शनात एक बँड, एक मार्चिंग तुकडी आणि राफेल, मिग-21 विमाने आणि 3D पाळत ठेवणारे रडार अस्लेशा एमके-1 च्या मॉडेलसह एक झांकी दाखवण्यात आली.

या झांकीची थीम होती "भारतीय वायुसेनेचे भविष्यासाठी परिवर्तन".अनेक भारतीयांनी सोशल मीडियावर शिवांगी सिंग हिच्यासाठी जल्लोष करताना दिसले. भारतीय हवाई दलाच्या 17 “गोल्डन एरोज” स्क्वॉड्रनचा एक भाग आहे, हरियाणाच्या अंबाला शहरात स्थित असलेल्या भारतीय हवाई दलाच्या 17 “गोल्डन एरोज” स्क्वॉड्रनचा शिवांगी सिंग एक भाग आहे. तिचे मुळगाव वाराणसी आहे.