बंगंळूरु: राज्यामध्ये कोरोना रुगणांची (Covid 19) संख्या कमी झाल्यामुळे येडियुरप्पा सरकारने (Yeddyurappa government) निर्बंधामध्ये काही शिथिलता आणली आहे. येत्या 5 जुलैपासून राज्यात लॉकडाऊनच्या (lockdown) नियमात आणखी काहीशी शिथिलता आणण्यात येणार आहे. यामुळे व्यापारी आणि नागरिकांना काही प्रमाणात काहीसा दिलासा मिळणार आहे. कोरोना रुग्णांची संख्या कमी होत असल्याने कोविड निर्बंध शिथिल करण्यात आले आहेत. 5 जुलैपासून ते 19 जुलैपर्यंत त्याची अमंलबजावणी करण्यात येणार आहे. दुकाने सकाळी 6 ते सायंकाळी 8 वाजेपर्यंत खुली राहणार आहेत. तसेच अत्यावश्यक वर्गातील दुकानांच्या वेळमध्येही वाढ करण्यात आली आहे.

दरम्यान, रेस्टॉरंट, क्लब, हॉटेलही पू्र्ण आसन क्षमतेने सुरु ठेवण्यास सरकारने परवानगी दिली आहे. जीम आणि व्यायामशाळा पूर्ण क्षमतेने सुरु राहणार आहेत. प्रार्थना मंदीर, इतर प्रार्थनास्थळांना दर्शनासाठी परवानगी असणार आहे. मगंल कार्यालयामध्ये 100 जणांना परवानगी असणार आहे. मात्र थिएटर आणि सिनेमागृहे बंद असणार आहेत. शाळा, कॉलेजही बंद ठेवण्यात येणार आहेत.