Rahul Gandhi  Dainik Gomantak
देश

Punjab Election 2022: 'केजरीवालांना संधी दिल्यास पंजाब जाळतील'

केजरीवाल (Arvind Kejriwal) हे दहशतवाद्यांबाबत मवाळ असल्याचा आणि राष्ट्रीय सुरक्षेबाबत अविश्वासू असल्याचा आरोप त्यांनी केला.

दैनिक गोमन्तक

पंजाब निवडणुकीपूर्वी राहुल गांधींनी मंगळवारी आम आदमी पार्टीचे सुप्रीमो आणि दिल्लीचे मुख्यमंत्री अरविंद केजरीवाल (Arvind Kejriwal) यांच्यावर काँग्रेससाठी राजकीय मैदान मजबूत करण्याच्या उद्देशाने जोरदार हल्ला चढवला. केजरीवाल हे दहशतवाद्यांबाबत मवाळ असल्याचा आणि राष्ट्रीय सुरक्षेबाबत अविश्वासू असल्याचा आरोप त्यांनी केला. (Rahul Gandhi Criticized Arvind Kejriwal Before The Punjab Elections)

बर्नालाच्या सभेत राहुल गांधी (Rahul Gandhi) म्हणाले, "काहीही झाले तरी काँग्रेसचा कोणताही नेता तुम्हाला दहशतवाद्याच्या घरी दिसणार नाही. झाडूचा सर्वात मोठा नेता (आपचे निवडणूक चिन्ह) दहशतवाद्याच्या घरी सापडतो. हे सत्य आहे."

दरम्यान, गांधींची ही टिका केजरीवाल यांच्यावर मोठा हल्ला मानला जात आहे. केजरीवाल यांच्यावर 2017 च्या निवडणुकीदरम्यान पंजाबमधील (Punjab) मोगामध्ये एका खलिस्तानी दहशतवाद्याच्या घरी राहिल्याचा आरोप करण्यात आला होता.

"पंजाब हे सीमावर्ती आणि संवेदनशील राज्य आहे. फक्त काँग्रेस पक्षच पंजाबला समजू शकतो आणि राज्यातील शांतता राखू शकतो... आम्हाला माहित आहे की, शांतता बिघडली तर इथे काहीही शिल्लक राहणार नाही,"

'आप'वर हल्लाबोल करताना राहुल गांधी म्हणाले, "जे तुम्हाला आश्वासन देत आहेत, 'एक संधी द्या' असे सांगून ते पंजाबचा नाश करतील. पंजाब जळतील, माझे शब्द लक्षात ठेवा."

तसेच, राहुल गांधी यांनी पंजाबचे माजी मुख्यमंत्री कॅप्टन अमरिंदर सिंग (Capt. Amarinder Singh) आणि पंतप्रधान नरेंद्र मोदी (Prime Minister Narendra Modi) यांच्यावरही निशाणा साधला. भाजपशी संबंध वाढवण्यासाठी कॅप्टन यांना गेल्या वर्षी पक्षातून काढून टाकण्यात आले होते. 117 सदस्यीय विधानसभेत काँग्रेस (Congress) बहुमताने सत्तेवर येईल आणि 70-80 जागा जिंकेल याची खात्री त्यांनी पक्ष कार्यकर्त्यांना दिली आहे.

मुख्यमंत्री चरणजीत चन्नी यांचे कौतुक करताना राहुल गांधी म्हणाले की, ते (चन्नी) लोकांना प्रेमाने अभिवादन करतात आणि त्यांची प्रेमाने विचारपूस करतात. परंतु अमरिंदर सिंग यांना असे करताना आम्ही कधीही पाहिलेले नाही.

ते म्हणाले, "तुम्ही अमरिंदर सिंग यांना गरीब व्यक्तीला मिठी मारताना पाहिले आहे का, मी त्यांना असे करताना पाहिले नाही.

ते पुढे म्हणाले, अमरिंदर सिंग यांच्याबरोबर विपरीत, चन्नी यांनी वीज दर कमी करुन सामान्य ग्राहकांना दिलासा देण्यासाठी अनेक पावले उचलली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shehbaz Sharif Video: 'पाकिस्तान दहशतवाद कधी थांबवणार?' रिपोर्टरच्या थेट प्रश्नावर काय म्हणाले शाहबाज शरीफ? शाब्दिक चकमकीचा व्हिडिओ व्हायरल

43.20 कोटींच्या कोकेन प्रकरणात आरोपीला सशर्त जामीन मंजूर; दक्षिण गोवा जिल्हा सत्र न्यायालयाचा मंगेश वाडेकरला दिलासा

Goa Crime: 17 वर्षीय मुलीला पळवून नेऊन केला लैंगिक अत्याचार, डिचोलीतील घटनेनं खळबळ; कणकवलीच्या तरुणाला अटक

Makharotsav: ..उत्सवमूर्ती जिवंत झाल्याचा आभास देणारा 'मखरोत्सव', गोव्यातील लोकसंस्कृतीचे दर्शन

Viral Video: 'खतरों के खिलाडी' वाली स्टंटबाजी, पठ्ठ्याचा सोशल मीडियावर व्हिडिओ तूफान व्हायरल; नेटकरी म्हणाले...

SCROLL FOR NEXT