Punjab CM Bhagwant Mann: पंजाबचे मुख्यमंत्री भगवंत मान सध्या त्यांच्या वैयक्तिक आयुष्यांमुळे चर्चेत आले आहेत. मान यांची पहिली पत्नी प्रीत ग्रेवाल यांनी सोशल मीडिया पोस्टद्वारे मान यांना धमकी दिली आहे. त्या म्हणाल्या की, 'लवकरच त्या असे व्हिडिओ पोस्ट करणार आहेत, ज्यामध्ये भगवंत मान यांनी दारु पिऊन नग्न डान्स केला आहे.' एक दिवसापूर्वीच भगवंत मान यांच्या लेकीनेही मान यांच्यावर गंभीर आरोप केले होते. तिने म्हटले होते की, 'ते दारु पिऊन गुरुद्वारात जातात.'

भगवंत मान यांच्या पहिल्या पत्नीने फेसबुकवर काय लिहिले?

दरम्यान, पंजाबचे मुख्यमंत्री भगवंत मान यांची पहिली पत्नी प्रीत ग्रेवाल यांनी फेसबुक सोशल मीडिया प्लॅटफॉर्मवर लिहिले की, ''त्यांनी हे सुरु केले, आता मी त्यांना सांगेन...'' प्रीत यांनी पंजाबी भाषेत लिहिले आहे की, 'मी भगवंत मान यांचा व्हिडिओ शेअर करेन ज्यामध्ये ते दारु पिऊन नग्न डान्स करत आहेत.'

भगवंत मान यांच्याबद्दल मुलगी सीरत कौर काय म्हणाली

दुसरीकडे, मान यांची लेक सीरत कौर हिने वडिलांवर खळबळजनक आरोप केले आहेत. माझे वडील दारु पिऊन गुरुद्वारात जातात. ते आता तिसऱ्या मुलाचे बाप होणार आहेत, असे तिने म्हटले होते. दुसरीकडे, शिरोमणी अकाली दलाचे नेते बिक्रम सिंह मजिठिया यांनी शनिवारी पत्रकार परिषदेदरम्यान सीरत कौरचा व्हिडिओ दाखवला.

दुसरीकडे, वादग्रस्त व्हिडिओमध्ये सीरत कौर तिचे वडील भगवंत मान यांच्यावर आरोप करताना दिसत आहे. भगवंत मान यांनी तिची आणि भावाची जबाबदारी घेण्यास नकार दिल्याचे सीरतने म्हटले आहे. व्हिडिओमध्ये सीरत विचारले की, ''जर एखादी व्यक्ती आई-वडिलांची जबाबदारी पार पाडू शकत नसेल, तर त्याला राज्य चालवण्याची जबाबदारी कशी सोपवली जाऊ शकते?''