काँग्रेस (Congress) नेते राहुल गांधी यांनी आगामी निवडणुकांसाठी हिंदू अजेंडा पकडला आहे. या संदर्भात काँग्रेसने जयपूरमध्ये महागाई हटाओ रॅलीही काढली आहे. त्यात राहुल गांधींनी 'हिंदू आणि हिंदुत्व' असं वक्तव्य केलं आहे. त्यात ते म्हणाले की, आता हिंदूंना सत्तेत आणायचे आहे, हिंदुत्ववाद्यांना नाही. या विधानानंतर AIMIM प्रमुख असदुद्दीन ओवेसी (Asaduddin Owaisi) यांनी राहुल गांधींना धारेवर धरले आहे.

हाच धर्मनिरपेक्ष अजेंडा काँग्रेसने ठेवला आहे का, असा सवाल त्यांनी केला आहे. AIMIM प्रमुख असदुद्दीन ओवेसी यांनी जयपूरमधील महागाई हटाओ रॅलीतील राहुल गांधींच्या हिंदू आणि हिंदुत्वाबाबत केलेल्या वक्तव्यावर सवाल केला आहे. या संदर्भात त्यांनी एक ट्विट केले आहे.

2021 मध्ये हिंदूंना सत्तेवर आणण्यासाठी धर्मनिरपेक्ष अजेंडा तयार करण्यात आला आहे, असा टोमणा ओवेसी यांनी मारला आहे. यासोबतच ओवेसी म्हणाले की, भारत सर्वांचा आहे. हा देश एकट्या हिंदूंचा नाही. भारत हा सर्व धर्माच्या लोकांचा आहे आणि कोणत्याही धर्मावर श्रद्धा नसलेल्या लोकांचाही आहे.