वेल्लोरमध्ये शनिवारी इलेक्ट्रिक स्कूटरच्या स्फोटात वडील आणि त्यांची मुलगी ठार झाली. इलेक्ट्रिक स्कूटरला त्यांच्या घरी चार्ज करत असताना हा स्फोट झाला. वृत्तानुसार, मृतांची ओळख दुरई वर्मा, 49 वर्षीय छायाचित्रकार आणि तिरुवन्नमलाई सरकारी शाळेची विद्यार्थिनी मोहना प्रीती अशी आहे.

दुरई वर्मा यांनी दोन दिवसांपूर्वी तिरुवनमलाई इलेक्ट्रिक स्कूटर (e-scooter) खरेदी केली आणि ते स्कूटर वापरत होते. शुक्रवारी बॅटरी डाऊन झाल्याने त्यांनी स्कूटर चार्ज करण्याचा प्रयत्न केला. (Photographer, daughter die after his e-scooter explodes in Tamil Nadu; pic surfaces)

थोडावेळ बॅटरी चार्ज केल्यानंतर दोघे पुन्हा एकदा स्कूटर बघायला आले. मात्र, स्कूटरमधील बॅटरीचा अचानक स्फोट झाला. आणि स्फोटाची आग इतर दोन वाहनांमध्ये पसरली. शेजारी उभ्या असलेल्या दोघांनी घरात धाव घेत आग विझवण्याचा प्रयत्न केला. त्यानंतर त्यांनी स्वत:ला बाथरूममध्ये कोंडून घेतले. तरीही आग घरभर पसरली आणि काही मिनिटांतच दोघांचाही श्वास गुदमरून मृत्यू (Death) झाला. शेजाऱ्यांनी आग विझवण्यासाठी धाव घेतली मात्र आग आटोक्यात आली नाही, त्यामुळे त्यांनी अग्निशमन व बचाव विभागाला मदतीसाठी बोलावले. काही वेळातच जवानांनी घटनास्थळ गाठून आग विझवली.

त्यानंतर जवानांनी दोघांचे मृतदेह बाहेर काढले आणि शवविच्छेदनासाठी तिरुवन्नमलाई सरकारी (Government) रुग्णालयात (Hospital) पाठवले. बॅटरी जास्त चार्ज झाल्यामुळे हा स्फोट झाला असावा असा पोलिसांचा अंदाज आहे.