नवी दिल्ली : आंतरराष्ट्रीय बाजारात कच्च्या तेलाच्या किमतीत मोठी वाढ झाली आहे. रशिया-युक्रेन युद्धामुळे कच्च्या तेलाच्या पुरवठ्यावर मोठा परिणाम झाला असून, त्यामुळे किंमती वाढल्या आहेत. त्यामुळे गेल्या 6 दिवसात पेट्रोल आणि डिझेलच्या दरात 5 वेळा वाढ झाली असून 28 मार्च रोजी पुन्हा दर वाढणार आहेत. 28 मार्च रोजी सकाळी 6 वाजल्यानंतर पेट्रोल-डिझेलच्या किंमती प्रती लिटर किती असणार आहेत? हे जाणून घेऊया. (Petrol and diesel prices were increased by up to 30 paise and 35 paise per litre)

सोमवार 28 मार्च रोजी सकाळी 6 वाजता पेट्रोल 30 पैशांनी आणि डिझेल 35 पैशांनी महागणार असून गेल्या 6 दिवसात पेट्रोल आणि डिझेलच्या दरात 5 वेळा वाढ झाली आहे. पेट्रोल आणि डिझेलच्या दरात वाढ ही 22 मार्चपासून झाली असून, त्यानंतर एक दिवस वगळता दररोज काही ना काही दरात वाढ होत आहे. 28 मार्चच्या दरवाढीमुळे 7 दिवसांत पेट्रोल 4 रुपयांनी तर डिझेल 4.10 रुपयांनी महागले आहे. (Petrol Diesel Price Today)

दरम्यान पेट्रोल (Petrol) आणि डिझेलच्या (Diesel) दरात वाढ झाल्याने राजधानी दिल्लीत (Delhi) पेट्रोलचा दर 99.41 रुपये प्रति लिटर आणि डिझेलचा दर 90.77 रुपये प्रति लिटर असेल. तर मुंबईत (Mumbai) पेट्रोल १४३.८६ रुपये तर डिझेल ९८.४६ रुपये आहे. चेन्नईमध्ये पेट्रोल 105.18 रुपये, तर डिझेल 95.33 रुपयांना मिळेल. कोलकातामध्ये आता तुम्हाला पेट्रोलसाठी 108.81 रुपये मोजावे लागतील, तर डिझेलसाठी 93.90 रुपये मोजावे लागणार आहेत.