Ukraine Returned Medical Students: रशिया आणि युक्रेनमधील युद्धादरम्यान मायदेशी परतलेल्या 20,000 वैद्यकीय विद्यार्थ्यांच्या भविष्याबाबत केंद्र सरकारने आज एक मोठी घोषणा केली आहे. सरकारने युक्रेनमधून परतलेल्या वैद्यकीय विद्यार्थ्यांना परदेशी वैद्यकीय पदवी परीक्षेला बसण्याची परवानगी दिली आहे.

परराष्ट्र मंत्रालयाकडून मिळालेल्या माहितीनुसार, युक्रेनमधून सुमारे 20,000 भारतीय विद्यार्थी परतले आहेत. काही दिवसांपूर्वी नॅशनल मेडिकल कमिशनने नियमांचा हवाला देत आपले करिअर पणाला लावून परत आलेल्या विद्यार्थ्यांना दिलासा देण्यास नकार दिला होता.

रशियासोबत सुरू असलेल्या युद्धामुळे युक्रेनमधून भारतात परतलेल्या अनेक एमबीबीएस विद्यार्थ्यांचे करिअर उद्ध्वस्त होण्यापासून वाचणार आहे. रशिया युक्रेन युद्धामुळे हे वैद्यकीय विद्यार्थी शिक्षण पूर्ण करू शकले नाहीत, आता हे वैद्यकीय विद्यार्थी भारतात डॉक्टर होऊ शकणार आहेत.

हीच गोष्ट त्या विद्यार्थ्यांना लागू होईल जे कोविड 19 मुळे चीन किंवा इतर देशांमधून वैद्यकीय शिक्षण पूर्ण करू शकले नाहीत आणि त्यांना परतावे लागले. राष्ट्रीय वैद्यकीय आयोगाच्या निर्णयामुळे हे शक्य झाले आहे. राष्ट्रीय वैद्यकीय आयोग अर्थात NMC ने या विद्यार्थ्यांना FMGE परीक्षेला बसण्याची परवानगी दिली आहे. पण एका अटीसह.