NIA Special Court Pronounced Accused Adnan Hassan Guilty ISIS: दिल्लीस्थित राष्ट्रीय तपास संस्थेच्या (NIA) विशेष न्यायालयाने आरोपी अदनान हसनला ISIS अबू धाबी मॉड्यूलशी संबंधित प्रकरणात दोषी ठरवले आहे. न्यायालयाने त्याला भारतीय दंड संहिता (IPC) आणि UAPA कायद्याच्या संबंधित कलमांतर्गत दोषी ठरवले आहे.

दरम्यान, शेख अझहर अल इस्लाम सत्तार शेख, मोहम्मद फरहान मोहम्मद रफीक शेख आणि अदनान हसन या तीन भारतीय नागरिकांचा समावेश असलेल्या गुन्हेगारी कटाशी संबंधित हा खटला आहे. हे आरोपी बंदी घातलेली दहशतवादी संघटना, इस्लामिक स्टेट ऑफ इराक अँड सीरिया (ISIS) चे सदस्य आहेत.

दहशतवादी (Terrorist) हल्ल्यांची योजना आखणे हा या कटाचा उद्देश होता. तसेच, ती योजना पार पाडण्यासाठी तरुणांना आकर्षित करणे, प्रेरित करणे, कट्टरतावादी बनवणे, भरती करणे आणि प्रशिक्षित करणे हे त्यांचे काम होते.

तपासात समोर आले आहे की, आरोपी अदनान हसनने ISIS मध्ये सामील होण्यासाठी तरुणांना प्रेरित करण्यासाठी पोस्ट, वृत्त लेख, व्हिडिओ, फोटो आणि इस्लामिक विद्वानांच्या टिप्पण्यांसह विविध ऑनलाइन प्लॅटफॉर्म आणि पद्धतींचा वापर केला. त्याने आरोपी अब्दुल्ला बासिथ आणि इतर साथीदारांना आर्थिक मदतही केली.

दुसरीकडे, आरोपी अदनान हसनला 29.01.2016 रोजी ISIS शी संबंध आणि भारतात (India) त्याच्या कारवाया केल्याबद्दल अटक करण्यात आली होती. त्यानंतर, पुराव्याच्या आधारे, 25 जुलै 2016 रोजी आरोपी अदनान हसनविरुद्ध UAPA कायदा आणि IPC च्या संबंधित कलमांखाली एनआयए विशेष न्यायालय, नवी दिल्ली येथे आरोपपत्र दाखल करण्यात आले होते.