Kamal Nath Govt: कमलनाथ सरकारमध्ये मंत्री असलेले वैराग्य नंद गिरी महाराज उर्फ ​​मिर्ची बाबा याला बलात्काराच्या आरोपाखाली अटक करण्यात आली आहे. सोमवारी सकाळी भोपाळ पोलिसांचे एक पथक ग्वाल्हेरला पोहोचले, जिथे ग्वाल्हेर क्राइम ब्रॅंचच्या मदतीने बाबाला हॉटेलमधून अटक केली. भोपाळ पोलिसांचे पथक मिर्ची बाबाला अटक करुन तेथून घेऊन गेले. भोपाळच्या पोलिस ठाण्यात मिर्ची बाबावर बलात्काराचा गुन्हा दाखल करण्यात आला आहे.

दरम्यान, पिडीत महिलेने (Woman) आरोप केला होता की, 'मिर्चीने मूल होण्याच्या बहाण्याने मला नशेच्या गोळ्या खाण्यास दिल्या. त्यानंतर बलात्कार केला.' यासंदर्भात भोपाळचे (Bhopal) पोलिस पथक आरोपी मिर्ची बाबाला अटक करण्यासाठी काल रात्री ग्वाल्हेरला (Gwalior) पोहोचले होते. जिथे बाबाला आज सकाळी एका हॉटेलमधून अटक करण्यात आली.

दुसरीकडे, पीडित महिला रायसेन येथील रहिवासी असल्याचे सांगण्यात येत आहे. तिचे लग्न होऊन चार वर्षे झाली असल्याचे तिने फिर्यादीत पोलिसांना सांगितले आहे. तिला मुलबाळ नाही, ती निपुत्रिक आहे, म्हणून मिर्ची बाबांच्या संपर्कात आली. बाबाने पूजा करुन अपत्यप्राप्तीचा दावा केला. उपचाराच्या नावाखाली बोलावून गोळ्या खाऊ घालून बलात्कार केला.