पब्जी गेमवर (PUBG) किती तरी लोकांचं प्रेम आहे त्यामध्ये जास्त करुन युवा पिढी. याचं काही काही लोकांना इतकं वेड लागलं आहे की ते खाणंपिणंही विसरले आहेत, त्यांची तहान-भूक देखील हरपली आहे. पण याच पब्जीमुळे प्रेम जुळल्याचीही काही प्रकरणं समोर येत आहेत. आता अशाच एका पब्जी लव्हर कपलचं प्रेम प्रकरण सध्या चर्चेत आलं आहे. जे जरा शॉकिंग आहे. कारण पब्जीमुळे एक विवाहित महिला आणि तरुण एकमेकांच्या प्रेमात पडले आहेत. पब्जीसह पब्जी प्लेअरच्या प्रेमात बुडालेल्या विवाहितेने धक्कादायक पाऊल उचललं आहे. (Married woman fall in love with pubg player).

हे प्रकरण उत्तर प्रदेशमधील (Uttar Pradesh) आहे. महाराजगंजमध्ये राहणारी ही महिला, जिला पब्जी खेळण्याची जाम हौस होती. कित्येक तास ती मोबाईलवरती पब्जी खेळत बसायची. याचवेळी बिहारमधील (Bihar) एका पब्जी प्लेअर तरुणाच्या प्रेमात ती पडली आहे. त्यानंतर अचानक एक दिवस ती गायब झाली आहे. पत्नी मिळेना म्हणून तिच्या पतीने पोलिसात बेपत्ता असल्याची तक्रार नोंदवली आहे. श्यामदेउरवा पोलीस ठाण्यात ही तक्रार नोंदवण्यात आली आहे.

पतीने दिलेल्या माहितीनुसार पोलिसांनी महिलेचा तपास सुरू केला आहे. ही महिला सापडली ती थेट बिहारमध्येच. तिच्या गायब होण्याचं कारण जेव्हा समजलं तेव्हा पतीला धक्काच बसला.

सतत मोबाईलवर पब्जी खेळणारी ही महिला पब्जी प्लेअरच्या प्रेमात पडली आहे. एक दिवस ती त्याला भेटायला गेली. ज्या पब्जी प्लेअरच्या प्रेमात ती पडली होती तो यूपीपासून तब्बल 350 किमी दूर बिहारमध्ये राहत होता. इतक्या लांब ती एक दिवस ती आपल्या या पब्जी प्लेअर बॉयफ्रेंडला भेटायलाही गेली. नवऱ्याला काहीच न सांगता ती घरातून बाहेर पडली होती.

पतीने आपली पत्नी बेपत्ता झाल्याची तक्रार 4 मार्चला नोंदवली होती. त्याचवेळी ती बिहारच्या मुझफ्फरपूरमध्ये राहणाऱ्या एका पब्जी प्लेअरशी देखील बोलायची. दोघं बोलता बोलात प्रेमात पडले आणि महिला घरातून फरार होत त्या तरुणाला भेटायलाही गेली.