हिंदी चित्रपटसृष्टीतून एक दु:खद बातमी समोर आली आहे, गान कोकिळा लता मंगेशकर (Lata Mangeshkar) यांचे निधन झाले आहे. लता मंगेशकर यांनी वयाच्या 92 व्या वर्षी अखेरचा श्वास (Lata Mangeshkar Passes Away) घेतला आहे. त्यांच्या निधनाबद्दल पंतप्रधान नरेंद्र मोदी (PM Narendra Modi), संरक्षण मंत्री राजनाथ सिंह (Rajnath Singh), केंद्रीय रस्ते आणि वाहतूक मंत्री नितीन गडकरी (Nitin Gadkari) यांच्यासह अनेक दिग्गज नेत्यांनी त्यांना श्रद्धांजली वाहिली आहे.

पीएम मोदींनी ट्विट केले की, 'मी माझ्या वेदना शब्दात व्यक्त करू शकत नाही. दयाळू लता दीदी आपल्याल सोडून गेल्या. त्यांनी आपल्या देशात एक पोकळी सोडली आहे जी भरून काढता येणार नाही. येणाऱ्या पिढ्या त्यांना भारतीय संस्कृतीचा एक दिग्गज म्हणून स्मरण ठेवतील, ज्यांच्या मधुर आवाजात लोकांना मंत्रमुग्ध करण्याची अद्भुत क्षमता होती.

संरक्षण मंत्री राजनाथ सिंह यांनी ट्विट केले की, 'स्वर कोकिळा' लता मंगेशकर यांच्या निधनाने भारताचा आवाज हरवला आहे. लताजींनी स्वर आणि सुराची साधना आयुष्यभर केली. त्यांनी गायलेली गाणी भारतातील अनेक पिढ्यांनी ऐकली आणि गायली आहेत. त्यांच्या निधनाने देशाच्या कला आणि संस्कृतीची मोठी हानी झाली. त्यांच्या कुटुंबीयांना आणि चाहत्यांसाठी माझ्या संवेदना.

लता मंगेशकर गेल्या महिनाभरापासून आजारी होत्या. 8 जानेवारी रोजी त्यांना मुंबईतील रुग्णालयात दाखल करण्यात आले होते.