Sikar Gangwar: राजस्थानमधील झुंझुनू जिल्ह्यात पोलीस प्रशासन हाय अलर्टवर आहे. सीकरमधील गँगस्टर राजू थेहतच्या हत्येप्रकरणी शेजारील जिल्हेही सतर्क झाले आहेत. झुंझुनू जिल्ह्यात सशस्त्र जवानांसह पोलिसांकडून नाकाबंदी करण्यात आली आहे. दरम्यान, सीकरला जाणार्‍या आणि येणाऱ्या वाहनांव्यतिरिक्त शहरांमधील प्रत्येक संशयास्पद वाहनांची झडती घेतली जात आहे. शिवाय, स्थानिक पोलीस संशयितांची कसून चौकशी करत आहेत.

लॉरेन्स गॅंगने जबाबदारी घेतली

राजस्थानमधील (Rajasthan) या मोठ्या गॅंगवॉरमध्ये राजू थेहत याची अज्ञातांनी गोळ्या झाडून हत्या केली. आता याची जबाबदारी लॉरेन्स बिश्नोई ग्रुपने स्वीकारली आहे. यानंतर राजस्थान पोलीस पूर्णपणे अ‍ॅक्शन मोड आले आहे. त्याचबरोबर या गॅंगवॉरबाबत भाजप (BJP) नेत्यांनी गेहलोत सरकारवर निशाणा साधला आहे.

बदमाश हरियाणाला पळून जाऊ शकतात

सीकरमध्ये गुन्हा केल्यानंतर हे बदमाश झुंझुनूमार्गे हरियाणात पळून जाण्याच्या तयारीत होते. अशा परिस्थितीत जिल्ह्याचे एसपी मृदुल कछावा स्वतः संपूर्ण नाकाबंदीवर लक्ष ठेवून आहेत. त्याचवेळी एएसपी डॉ. तेजपाल सिंग हेही क्षणोक्षणी अपडेट्स घेत आहेत. दरम्यान, हरियाणाची सीमा पूर्णपणे बंद करण्यात आली आहे. याशिवाय झुंझुनू शहरातील मांडवा वळणावरही नाकाबंदी करण्यात येत आहे. जिथे प्रत्येक वाहनाची कसून तपासणी करुनच जाण्यास परवानगी दिली जात आहे.