Karnataka Crime: कर्नाटकातून आत्महत्येची मोठी बातमी समोर आली आहे. कोडागु जिल्ह्यातील एका खासगी रिसॉर्टमध्ये तीन मृतदेह आढळून आल्याने संपूर्ण परिसरात खळबळ उडाली. माहिती मिळताच पोलीस पथक तातडीने घटनास्थळी पोहोचले. पोलिसांनी तिन्ही मृतदेह ताब्यात घेऊन पोस्टमार्टमसाठी पाठवले आहेत. पोलिस रिसॉर्टच्या आत आणि बाहेरही तपास करत आहेत.

कर्नाटक पोलिसांचे म्हणणे आहे की, कोडागु जिल्ह्यातील माडीकेरीजवळ एक खाजगी रिसॉर्ट आहे. केरळमधील कोल्लम इथे राहणारा एक व्यक्ती आपली पत्नी आणि 3 वर्षाच्या मुलासह या रिसॉर्टमध्ये थांबला होता. पोलिसांनी रविवारी सकाळी तिघांचेही मृतदेह बाहेर काढले. पती-पत्नीने मुलासह आत्महत्या केल्याचे प्राथमिक पोलिस तपासात निष्पन्न झाले आहे. मात्र, कुटुंबाने एवढे कठोर पाऊल का उचलले हे अद्याप समजू शकलेले नाही.

पोलिस या प्रकरणाचा तपास करत आहेत

दरम्यान, पोलिसांनी मृतदेह ताब्यात घेऊन तपास सुरु केला आहे. पोलिसांनीही या घटनेची माहिती मृतांच्या कुटुंबीयांना दिली आहे. आता पोस्टमार्टम रिपोर्ट आल्यानंतरच ही हत्या की आत्महत्या हे स्पष्ट होईल. पोलीस रिसॉर्टची चौकशी करत आहेत आणि रात्रीच्या वेळी रिसॉर्टमधून ओरडण्याचा किंवा भांडणाचा आवाज आला का हे पाहण्यासाठी आसपासच्या लोकांची चौकशी करत आहेत.

व्हिडिओ फुटेज समोर आले

एका खासगी रिसॉर्टचे व्हिडिओ फुटेज समोर आले आहे. या फुटेजमध्ये पोलिसांचे पथक या प्रकरणाचा तपास करताना दिसत आहे. तपासासाठी रिसॉर्टच्या आतील आणि आजूबाजूच्या परिसर सील करण्यात आला आहे.