Space Technology: गेल्या काही वर्षात सरकारी क्षेत्रात खाजगी क्षेत्राचा सहभाग वाढला आहे.आर्थिक ध्येय प्राप्त करण्यासाठी खाजगी क्षेत्राला सरकार प्राधान्य देत आहे. आता यामध्ये आणखी काही महत्वाचे निर्णय घेतले आहेत.

इस्त्रो आणि मायक्रोसॉफ्ट आता एकत्र येऊन काम करणार आहेत. ISRO ने देशाच्या अवकाश संशोधनात खाजगी क्षेत्राचा सहभाग वाढवण्यासाठी प्रयत्न सुरुकेले आहेत. अलीकडेच भारताने खाजगी क्षेत्रात विकसित केलेल्या रॉकेटची पहिली चाचणी घेतली. आता इस्रोने खाजगी क्षेत्राला प्रोत्साहन देण्यासाठी जगातील सर्वात मोठ्या आयटी कंपनी मायक्रोसॉफ्टशी हातमिळवणी केली आहे.

अंतराळ तंत्रज्ञानाशी आधारित जे स्टार्टअप्स येतील त्यांना आधार देण्यासाठी इस्त्रो आणि मायक्रोसॉफ्ट एकत्र काम करतील अशी अधिकृत माहीती इस्त्रोकडून देण्यात आली होती.यामुळे देशभरातील अंतराळ तंत्रज्ञान स्टार्टअप्सची ताकद वाढेल,असा विश्वास इस्रो आणि मायक्रोसॉफ्ट या दोघांनाही आहे. स्टार्टअप कंपन्यांना त्यांचा व्यवसाय चालवण्यासाठी लागणारी तांत्रिक साधने आणि संसाधने मिळू शकतील.

इस्रो( ISRO )चे प्रमुख एस सोमनाथ यांनी म्हटले आहे की, या करारामुळे स्पेस टेक्नॉलॉजी स्टार्ट-अप कंपन्यांना खूप फायदा होणार आहे. डीप लर्निंग, मशीन लर्निंग आणि एआय सारख्या प्रगत तंत्रज्ञानाद्वारे विविध ऍप्लिकेशन्समध्ये भरपूर सॅटेलाइट डेटाचे विश्लेषण आणि प्रक्रिया करू शकतील.