तुम्हीही उन्हाळ्याच्या सुटीत उत्तराखंडच्या सुंदर मैदानी भागात फिरण्याचा विचार करत असाल तर तुमच्यासाठी एक उत्तम संधी येत आहे. इंडियन रेल्वे केटरिंग अँड टुरिझम कॉर्पोरेशन (IRCTC) एक अतिशय आलिशान आणि परवडणारे टूर पॅकेज पर्यटकांना ऑफर करत आहे. या पॅकेजद्वारे तुम्ही उन्हाळ्याच्या सुटीत डेहराडून, हरिद्वार, मसुरी आणि ऋषिकेशमध्ये फिरू शकता. हे टूर पॅकेज 4 रात्री आणि 5 दिवसांचे आहे. या पॅकेजमध्ये राहण्याबरोबरच भोजनाची सुद्धा सोय करण्यात आली आहे. (Uttarakhand IRCTC tour packages)

बुकिंग कसे करावे

प्रवासी या टूर पॅकेजसाठी IRCTC च्या अधिकृत वेबसाइट www.irctctourism.comला ऑनलाइन भेट देऊन बुकिंग करू शकतात. याशिवाय, आयआरसीटीसी पर्यटक सुविधा केंद्र, क्षेत्रीय कार्यालये आणि प्रादेशिक कार्यालयांमधूनही बुकिंग करता येते. सुविधांचाही समावेश आहे. या IRCTC पॅकेजमधील बोर्डिंग/डिबोर्डिंग हे हैदराबाद आहे. यादरम्यान मसुरीमध्ये 2 रात्री आणि हरिद्वारमध्ये 2 रात्रीचा मुक्काम असेल.

प्रवास कधी सुरू होणार?

या पॅकेजचा प्रवास 27 मे 2022 पासून सुरू होईल आणि 31 मे पर्यंत चालेल. या पॅकेजमध्ये तुम्हाला खाण्यापिण्याची चिंता करण्याची गरज नाही. हे पॅकेज तीन श्रेणींमध्ये विभागले गेले आहे. सिंगल ऑक्युपन्सीचे भाडे 29730 रुपये प्रति व्यक्ती, डबल ऑक्युपन्सीचे भाडे 24785 रुपये प्रति व्यक्ती, तर ट्रिपल ऑक्युपन्सीचे भाडे प्रति व्यक्ती 23635 रुपये आहे.