लाइन ऑफ ऍक्चुअल कंट्रोल (LAC) वर लष्करी तैनाती मजबूत करण्यासाठी चीनने (China) एक नवीन चाल योजली आहे. त्यासाठी चीनने तिबेट (Tibet) मधील प्रत्येक कुटुंबातील एका सदस्याला पीपल्स लिबरेशन आर्मीला (PLA) शामिल घेण्याचे ठरवले आहे. मीडिया रिपोर्टनुसार, तिबेटीयन युवकांना (Tibetan youth) पीएलए मध्ये सामील करण्यापूर्वी त्यांची लॉयलटी टेस्ट केली जात आहे. चीन एलएसीच्या बाजूने, विशेषत: लडाख (Laddakh) आणि अरुणाचल प्रदेशसारख्या (Arunachal Pradesh) असामान्य हवामान असलेल्या क्षेत्रात आपली सैन्य शक्ती (Army Power) मजबूत करण्यासाठी सर्वतोपरी प्रयत्न करत आहे. सरकारी सूत्रांनी म्हणण्यानुसार, "चिनी लष्कराने (Chines Army) तिबेटी लोकांच्या निष्ठावंत कुटुंबातील प्रत्येकी एका सदस्याला सामील करण्यासाठी हा प्रकल्प सुरू केला आहे." हे सैनिक स्थायी पद्धतीने एलएसी वर तैनात केले जाणार आहेत. (India - China)

सूत्रांनी दिलेल्या गुप्तचरांच्या माहिती नुसार, चिनी सैन्य एलएसी च्या बाजूने विशेष ऑपरेशन करण्यासाठी तिबेटी तरुणांची भरती करत आहे. तिबेटी तरुणांना अनेक लॉयलटी टेस्ट उत्तीर्ण केल्यानंतर चीनी सैन्यात समाविष्ट केले जात आहे, ज्यात त्याना चिनी भाषा शिकणे, चीनी कम्युनिस्ट पक्षाचे वर्चस्व स्वीकारणे (सीसीपी) यांचा समावेश आहे. सदर भरती ही यावर्षीच्या जानेवारी फेब्रुवारी मध्ये सुरू झाली होती. चीनच्या लक्षात आले की तिबेट वासियांची भारतीय सेनेमधील स्पेशल फ्रंटियर फोर्सेस मध्ये सेवेची कामगिरी खूप चांगली आहे तसेच लद्दाख सारख्या क्षेत्रामध्ये तिबेटी सैनिक खूप चांगल्या प्रकारे काम करू शकतात. याच गोष्टीचा फायदा घेणयासाठी चीन ही चाल खेळात आहे.