देशात गुरुवारी 14 नवीन ओमिक्रॉन बाधित रुग्ण आढळले आहेत. याचबरोबर देशातील ओमिक्रॉन (Omicron variant) रूग्णांची संख्या 87 झाली आहे. कर्नाटकात पाच नवीन प्रकरणे नोंदवली गेली, तर दिल्ली (Delhi) आणि तेलंगणामध्ये प्रत्येकी 4 आणि गुजरातमध्ये 1 रुग्ण आढळला. (Increase in Omicron infected patients in the country)

कर्नाटकमध्ये (Karnataka) दिवसागणिक ओमिक्रॉनचे (Omicron variant) रुग्ण वाढत आहेत. सध्या राज्यात 5 नवीन रुग्ण (Patient) सापडले आहेत. या 5 रुग्णांमधील 3 व्यक्ति विदेश दौरा करून आले आहेत, तर 2 रुग्ण दिल्लीहून परतले आहेत. तेलंगणा (Telangana) राज्यात कोविड-19 (COVID-19) पॉझिटिव्ह रूग्णांना संस्थात्मक विलगीकरण बंधनकारक न करणे, ही सरकारच्या धोरणातील एक स्पष्ट त्रुटी आहे, असे तज्ञांचे मत आहे.

सध्या तेलंगणामध्ये ओमिक्रॉन बंधितांची संख्या 6 झाली आहे. नवीन सापडलेल्या 4 रूग्णांपैकी 3 रुग्ण केनियामधून आले आहेत तर 1 इंग्लंडमधून परतला आहे. गुजरात (Gujarat) मधील 43 वर्षीय आशा कर्मचरीला ओमिक्रॉनची लागण झाली आहे. परिणामी, राज्याची ओमिक्रॉन रुग्णांची संख्या 5 झाली आहे.