Home Ministry: गृहमंत्रालयाने भाजपच्या तीन नेत्यांना व्हीआयपी सुरक्षा देण्याचा निर्णय घेतला आहे.भाजपच्या नलिन कोहली, ऋतुराज सिन्हा आणि अभय गिरी या तीन नेत्यांना व्हीआयपी सुरक्षा देण्याचा निर्णय घेतला आहे.

आता त्यांना वाय प्लस ( Y+ )सुरक्षा मिळणार आहे. वाय प्लस ही सीआयएसएफ च्या कमांडोद्वारा दिली जाणारी सुरक्षा आहे. मिळालेल्या माहितीनुसार, नागालॅंडमधल्या निवडणुकांच्या पार्श्वभूमीवर ही सुरक्षा देण्यात आली आहे. नलिन कोहली हे नागालॅंडमधील भाजपचे स्टेट इंजार्ज आहेत.

भारता( India )त व्हीआयपी, व्हीव्हीआयपी, नेते, प्रसिद्ध व्यक्ती, खेळाडूंना अशी सुरक्षा देण्यात येते. यामध्ये 4 प्रकारच्या सुरक्षा आहेत. X, Y, Y+, Z+ अशा प्रकारच्या सुरक्षा देण्यात येतात. ही सुरक्षा स्थानिक सरकार, पोलीस( Police ) आणि नॅशनल सिक्युरटी गार्ड, इंडियन-तिबेटियन बॉर्डर पोलीस ( आयटीबीपी ) आणि सेंट्रल रिजर्व पोलीस फोर्स यांच्याकडून देण्यात येते. एनएसजी कमांडो मोठ्या प्रमाणात व्हीआयपी आणि व्हीव्हीआयपी व्यक्तींना सुरक्षा देतात.