उत्तर प्रदेशातील बुलंदशहरमधील सिकंदराबाद भागात रविवारी नॉनव्हेजवरून मोठा वाद झाला. या वादात एका व्यक्तीवर गोळी झाडण्यात आली आणि हॉटेलची तोडफोड करण्यात आली. सिकंदराबादचे पोलीस सर्कल ऑफिसर सुरेश कुमार यांनी सांगितले की, चौधरीवाडा भागातील रहिवासी अब्दुल वाहिद यांच्या हॉटेलमध्ये ही घटना घडली.

पोलिसांनी दिलेल्या माहितीनुसार, रविवारी हॉटेलमध्ये आलेल्या एका माणसाने नॉनव्हेज जेवणाची मागणी केली. वाहिदने नॉनव्हेज (Non-veg) उपलब्ध नसल्याचे सांगताच तो संतापून हॉटेलमधून निघून गेला. थोड्यावेळाने तो काही लोकांना घेऊन परतला. तो आणि त्याच्याबरोबर आलेल्या लोकांनी मिळून हॉटेलची तोडफोड करण्यास सुरुवात केली. त्याने हॉटेलमध्ये (Hotel) गोळ्या देखील झाडल्या. यातील एक गोळी वाहिदचा भाचा अतीकच्या पायाला लागली. त्याला तात्काळ स्थानिक रुग्णालयात भरती करण्यात आले. अतीकवर सध्या उपचार सुरू आहेत, अशी माहिती पोलिसांनी दिली. याप्रकरणी पोलिसांनी दोन आरोपींना अटक केली आहे. उर्वरीत आरोपींचा शोध सुरू असल्याचे पोलिसांनी (Police) सांगितले.