Gujarat High Court Granted Permission For Abortion Of 12 year Old Girl Who Was Raped By Father:

गुजरात उच्च न्यायालयाने 12 वर्षांच्या मुलीचा गर्भपातासाठी परवानगी देताना असे निरीक्षण नोंदवले की, "महिलेच्या प्रतिष्ठेला धक्का लावण्यापेक्षा स्त्रीचा मोठा अपमान नाही."

वडिलांनी बलात्कार केल्यानंतर गर्भवती झालेल्या मुलीला न्यायालयाने २.५० लाख रुपयांची नुकसान भरपाई देण्याचे आदेश दिले.

उच्च न्यायालयाचे न्यायमूर्ती समीर दवे म्हणाले, “या प्रकरणात, ही बाब अत्यंत धक्कादायक आणि वेदनादायक आहे की, येथील पीडित मुलगी, जी 11 वर्षे नऊ महिन्यांची आहे, तिच्या वडिलांनीच हा क्रूर गुन्हा केला आहे. या प्रकरणात आरोपीने केलेल्या कृत्याचा गुन्हा दाखल न करता, न्यायालय मुलीच्या गर्भपातासाठी आदेश देणे योग्य समजते.”

न्यायालयाने यावेळी मुलीने गर्भपातासाठी दाखल केलेल्या याचिकेला परवानगी दिली आणि पीडितेला 2.50 लाख रुपयांची भरपाई देण्याचे आदेश सरकारला दिले.

"एकूण नुकसानभरपाईपैकी 50000 रुपये पीडितेच्या आईला दिले जातील आणि उर्वरित रक्कम फिक्स डिपॉझिटमध्ये ठेवली जाईल आणि पीडितेला ती 21 वर्षांची झाल्यावर दिली जाईल," असे वकील पूनम मनन मेहता यांनी सांगितले.

न्यायाधीश न्यायमूर्ती समीर दवे यांनी गर्भपातासाठी पीडितेच्या अर्जाला परवानगी देताना, महिलांबद्दलचा आदर अधोरेखित करण्यासाठी हिंदू धार्मिक ग्रंथ दुर्गा सप्तशती, ज्याला “देवी माहात्म्य” असेही म्हटले जाते, याचा संदर्भ दिला.

खंडपीठाने एका श्लोकाचा संदर्भ दिला आणि त्या श्लोकाचा अर्थ स्पष्ट केला;

"अर्थाात हे देवी जगदम्बे, जगत में जितनी भी स्त्रिया हैं वह सब तुम्हारी ही मुर्तिया हैं । इसस्त्रिलए अगर स्त्री चाहे तो वह सब कर सकती हैं जो वह करना चाहती हैं , यह ताकत सर्फ़ उसीमे हैं जो बडे बडे संकटों का नाश कर, श्रेष्ट से श्रेष्ट और कठिनतम कार्य भी पूर्ण कर सकती हैं। जरुरत हैं तो सर्वशक्तिमान नारी को स्वयं को पहचानने को।"

न्यायाधीश समीर दवे यांनी न्यायालयातील सुनावणी दरम्यान धार्मिक ग्रंथांचा संदर्भ देण्याची ही पहिलीच वेळ नाही.

9 जून रोजी न्यायाधीश दवे यांनी मनुस्मृतीचा संदर्भ दिला होता. ज्यामध्ये पूर्वी मुलींचे लग्न 14 ते 16 वर्षांच्या आत कसे केले जात होते आणि 17 वर्षांच्या वयात त्या किमान एका मुलाला जन्म द्यायच्या, असे सांगितले होते.

बलात्कार पीडितेच्या याचिकेवर सुनावणी करताना त्यांच्या संदर्भावरून न्यायाधीशांवर टीका झाली. पण, त्यांनी भगवद्गीतेचा दाखला देत टीकेला प्रत्युत्तर दिले आणि म्हटले की, न्यायाधीश हा "स्थिप्रज्ञा" सारखा असला पाहिजे म्हणजे टीका आणि प्रशंसा या दोन्हीकडे त्याने दुर्लक्ष केले पाहिजे.