गुजरात विधानसभा निवडणूकीसाठी आज दुसऱ्या टप्प्याचे मतदान पार पडणार आहे. दुसऱ्या टप्प्यात 93 जागांसाठी हे मतदान होत आहे. दुसऱ्या टप्प्यात आज 14 जिल्ह्यांतील 93 जागांवर मतदान होणार आहे. सकाळी 8 ते सायंकाळी 5 या वेळेत मतदान होणार आहे.

पहिल्या टप्प्यासह दुसऱ्या टप्प्यात झालेल्या मतदानाची मतमोजणी 8 डिसेंबर रोजी होणार आहे. गुजरातमध्ये (Gujrat) कोण बाजी मारणार याचा निर्णय 8 डिसेंबरला लागणार आहे.

पंतप्रधान नरेंद्र मोदी (PM Modi) , गृहमंत्री अमित शाह यांच्यासह दिग्गज नेते आज मतदान करणार आहेत. जाणून घेऊया पंतप्रधान, गृहमंत्र्यांसह व्हीआयपी मतदार कधी मतदान करणार आहेत.

• कोण किती जागा लढवणार?
  या टप्प्यात भाजप (BJP) सर्व 93 जागांवर निवडणूक लढवत आहे. शिवाय अरविंद केजरीवाल यांच्या नेतृत्वाखालील आप सर्व 93 जागांवर लढत आहेत. काँग्रेस 90 जागांवर निवडणूक लढवत असून त्यांचा मित्रपक्ष असलेल्या राष्ट्रवादी काँग्रेसने (NCP) दोन जागांवर उमेदवार उभे केले आहेत. भारतीय आदिवासी पक्षाने (BTP) 12 उमेदवार उभे केले आहेत आणि बहुजन समाज पक्षाने (BSP) 44 उमेदवार उभे केले आहेत.