Goa Express: गोवा एक्सप्रेस म्हणजेच गोवा-निजामुद्दीन एक्सप्रेस या रेल्वेगाडीला मध्यप्रदेशातील एका ठिकाणी थांबा द्यावा, अशी मागणी करण्यात आली आहे. हे ठिकाण आहे बिना रेल्वे स्टेशन. मध्यप्रदेशातील या स्टेशनवर गोवा एक्सप्रेसला थांबा द्यावा, यासाठी रेल्वे अप डाऊनर्स प्रोग्रेसिव्ह वेल्फेअर असोसिएशनने निवेदनाद्वारे मागणी केली आहे.

असोसिएशनच्या सदस्यांनी बिना स्थानकाशी संबंधित रेल्वे समस्या सोडविण्यासाठी रेल्वे व्यवस्थापकांना निवेदन दिले. त्यात ही मागणी केली आहे.

निवेदनात म्हटले आहे की, भोपाळ विभागातील भोपाळ-विदिशा-बिना सेक्शनवर स्थानिक नागरिक आणि दैनंदिन अप-डाउन करणाऱ्यांना भोपाळ, बिना, गंजबासोडा, विदिशा आणि आसपासच्या तहसील भागात दररोज जावे लागते. त्यामुळे प्रवाशांना मोठ्या त्रासाला सामोरे जावे लागत आहे.

या स्टेशनवर गोवा एक्सप्रेस (गोवा-निजामुद्दीन एक्सप्रेस) सह तामिळनाडू एक्सप्रेस आणि कालका एक्सप्रेस या तीन गाड्यांना येथे थांबा द्यावा.

दरम्यान, या निवेदनात इतरही मागण्या करण्यात आल्या आहेत. त्यामध्ये भोपाळ राज्यराणी एक्स्प्रेसच्या वेळेत बदल करावा, ही मागणी आहे. या ट्रेनची वेळ दमोह स्थानकावर 6 वाजता असावी आणि ती 10.30 पर्यंत भोपाळ जंक्शनला पोहोचली पाहिजे, असे निवेदनात म्हटले आहे.

दैनंदिन अप-डाउन करणारे, विद्यार्थी, व्यापारी आणि सर्वसामान्य नागरिकांनी त्यांच्या कार्यालयात आणि कामाच्या ठिकाणी वेळेवर पोहोचण्यासाठी ट्रेनच्या वेळा बदलण्याची नितांत गरज आहे.

याशिवाय भोपाळ सिंगरौली एक्स्प्रेस रोज चालवावी. बीना आणि भोपाळ रोजच्या अपडाऊनसाठी ही ट्रेन अत्यंत महत्त्वाची आहे. त्यामुळे सिंगरौली एक्स्प्रेस आठवड्यातून 2 दिवस चालवण्याऐवजी ती दररोज चालवावी.

यावेळी बिना मंडळाचे अध्यक्ष नितीश दुबे म्हणाले की, आमच्या मागण्यांकडे लक्ष द्यावे. राज्यराणी एक्स्प्रेसच्या वेळा बदलण्यात याव्यात. भोपाळ प्रतापगड ट्रेन मंगळवार, शुक्रवार, रविवारी भोपाळ येथून संध्याकाळी 7.15 वाजता आहे. ज्याची वेळ 8 वाजता असावी, असेही निवेदनात म्हटले आहे.