Champions Trophy 2025

चॅम्पियन्स ट्रॉफी २०२५ चा पहिला सामना १९ फेब्रुवारी रोजी खेळला जाणार आहे. हा सामना पाकिस्तान आणि न्यूझीलंड यांच्यात खेळला जाणार आहे. मात्र चॅम्पियन्स ट्रॉफी २०२५ आधी दक्षिण आफ्रिकेला मोठा झटका लागला आहे.

चॅम्पियन्स ट्रॉफी आधी पाकिस्तान, न्यूझीलंड आणि दक्षिण आफ्रिका यांच्यात तिरंगी मालिका खेळवली जाणार आहे, जी ८ फेब्रुवारी ते १४ फेब्रुवारी दरम्यान खेळवली जाईल. या मालिकेपूर्वी दक्षिण आफ्रिकेचा स्टार वेगवान गोलंदाज गेराल्ड कोएत्झीला संघातून वगळण्यात आलं आहे.

इतकंच नाही तर कोएत्झीला २०२५ च्या चॅम्पियन्स ट्रॉफीसाठी दक्षिण आफ्रिका संघातूनही वगळण्यात आलं आहे, ज्याची अधिकृतपणे क्रिकेट दक्षिण आफ्रिकेनं पुष्टी केली आहे.

गेराल्ड कोएत्झी संघातून बाहेर का?

दक्षिण आफ्रिकेचा वेगवान गोलंदाज गेराल्ड कोएत्झीला दुखापतीमुळं एकदिवसीय मालिकेसह चॅम्पियन्स ट्रॉफीला मुकावं लागलं आहे. गेराल्डला बॉलिंग करताना कंबरेत त्रास जाणवला. त्यामुळे गेराल्डला त्या सामन्यातूनच बाहेर पडावं लागलं होतं.

दरम्यान गेराल्ड हा आयसीसी चॅम्पियन्स ट्रॉफी स्पर्धेतून बाहेर पडणारा दक्षिण आफ्रिकेचा दुसरा खेळाडू आहे. आधी त्याच्या आधी एनरिक नॉर्खियानं दुखापतीमुळं या स्पर्धेतून माघार घेतली आहे.

पाकिस्तान, न्यूझीलंड, दक्षिण आफ्रिका तिरंगी मालिकेचे वेळापत्रक

०८ फेब्रुवारी २०२५: पहिला एकदिवसीय सामना, पाकिस्तान विरुद्ध न्यूझीलंड

१० फेब्रुवारी २०२५: दुसरा एकदिवसीय सामना, न्यूझीलंड विरुद्ध दक्षिण आफ्रिका

१२ फेब्रुवारी २०२५: तिसरा एकदिवसीय सामना, पाकिस्तान विरुद्ध दक्षिण आफ्रिका

१४ फेब्रुवारी २०२५: अंतिम सामना,

दक्षिण आफ्रिकेचा संघ

टेम्बा बावुमा (कर्णधार), इथन बॉश, मॅथ्यू ब्रीट्झके, गेराल्ड कोएत्झी, ज्युनियर डाला, वियान मुल्डर, मिहलाली मपोंगवाना, सेनुरन मुथुसामी, गिडॉन पीटर्स, मायकेल प्रिन्स, जेसन स्मिथ आणि काइल व्हेरेन.

चॅम्पियन्स ट्रॉफी २०२५ दक्षिण आफ्रिकेचे वेळापत्रक

२१ फेब्रुवारी २०२५: दक्षिण आफ्रिका विरुद्ध अफगाणिस्तान

२५ फेब्रुवारी २०२५: दक्षिण आफ्रिका विरुद्ध ऑस्ट्रेलिया

०१ मार्च २०२५: दक्षिण आफ्रिका विरुद्ध इंग्लंड