आजच्या डिजिटल युगात, ऑनलाइन गोपनीयता (Online Privacy) अत्यंत महत्त्वाची आहे. आपला वैयक्तिक डेटा, आर्थिक माहिती, आणि सोशल मीडिया प्रोफाइल सुरक्षित ठेवण्यासाठी योग्य खबरदारी घेणं गरजेचं आहे. आपण कोणत्या प्रकारचा डेटा शेअर करत आहोत, तो कुठे करत आहोत आणि त्याचे काय नकारात्मक परिणाम होऊ शकतात का? हे जाणून घेणे आवश्यक आहे.

डेटाचे संरक्षण करण्यासाठी, डेटा 'गोपनीयता आठवडा' (Data Privacy Week 2025) म्हणून साजरा केला जातो, जेणेकरून ऑनलाइन डेटाची गोपनीयता राखली जाऊ शकते आणि त्याचा गैरवापर होऊ नये. डेटा गोपनीयता आठवडा हा ऑनलाइन सुरक्षा आणि गोपनीयता मोहिमेचा भाग आहे.

डेटा खासगीत्व सप्ताह हा आपल्या व्यक्तिगत व आर्थिक माहितीच्या संरक्षणासाठी सक्रिय उपाय करण्याची आठवण करून देण्याचं काम करतो. आपली जीवनपद्धती अधिकाधिक डिजिटल होत असल्याने ऑनलाइन धोकेही त्याच वेगाने दिसून येत आहेत. आपली आर्थिक माहिती सुरक्षित राखण्यासाठी काही सुलभ, अंमलात आणण्यास सोप्या टिप्स देऊन व्हिसा आपल्याला मदत करत आहे.

गोपनीयता आठवडा म्हणजे ऑनलाइन गोपनीयतेबद्दल जागरूकता वाढवण्यासाठी आणि लोकांना त्यांच्या वैयक्तिक माहितीचं संरक्षण करण्याबद्दल शिक्षित करण्यासाठी साजरा केला जाणारा कार्यक्रम.

गोपनीयता आठवड्याबद्दल अधिक माहिती

• डेटा प्रायव्हसी वीकमध्ये ऑनलाइन गोपनीयतेबद्दल जागरूकता वाढवली जाते.

• या आठवड्यात लोकांना त्यांच्या वैयक्तिक माहितीचं संरक्षण करण्याबद्दल शिक्षित केलं जातं.

• गोपनीयता आणि खातं सुरक्षिततेसाठी टिप्स दिल्या जातात.

• गोपनीयता आणि सुरक्षिततेशी संबंधित विषयांवर चर्चा केली जाते.

आर्थिक माहिती सुरक्षित राखण्यासाठी टिप्स

ऑनलाइन पेमेंटसाठी टोकनाइज्ड कार्ड वापरा : टोकनाइज्ड कार्ड हे ऑनलाईन पेमेंटसाठी अधिक सुरक्षित आणि सोयीस्कर पर्याय आहे. कार्ड टोकनायझेशनमुळे तुमचे व्यक्तिगत आणि आर्थिक डेटा सुरक्षित राहतो, फसवणुकीचा धोका कमी होतो आणि व्यवहार वेगवान होतात. टोकनाइज्ड कार्डमुळे मूळ कार्ड क्रमांक शेअर केला जात नाही, त्यामुळे फसवणुकीचा धोका कमी होतो. ऑनलाईन व्यवहार करताना हॅकर्सना खरे कार्ड डिटेल्स मिळत नाहीत.

सार्वजनिक वाय-फायचा वापर करणे टाळा: सार्वजनिक वाय-फाय नेटवर्क्स वापरू नका. सार्वजनिक वाय-फायमुळे हॅकिंग होण्याची शक्यता अधिक असते. सार्वजनिक वाय-फायचा वापर करून आर्थिक व्यवहार करणे टाळा. सार्वजनिक नेटवर्क्समध्ये डेटा एन्क्रिप्शन नसते, त्यामुळे हॅकर्स सहज तुमची माहिती चोरू शकतात.

टू-फॅक्टर ऑथेंटिकेशन : टू-फॅक्टर ऑथेंटिकेशन ही सुरक्षा प्रणाली आहे, जी तुमच्या ऑनलाइन खात्यांचं संरक्षण करण्यासाठी दोन स्तरांवर पडताळणी (verification) करते. केवळ पासवर्डच्या आधारे लॉगिन करण्याऐवजी, 2FA द्वारे अतिरिक्त सुरक्षा मिळते, ज्यामुळे हॅकिंगचा धोका कमी होतो. बँकिंग व्यवहार करताना 2FA आवश्यक असल्याने फसवणूक होण्याची शक्यता कमी होते. हॅकर्सना तुमचा पासवर्ड भेटला तरी त्यांना OTP किंवा सिक्युरिटी कोडशिवाय लॉगिन करता येणार नाही.

पासवर्डचा वापर करा: पासवर्ड हा डिजिटल सुरक्षा प्रणालीचा सर्वात महत्त्वाचा भाग आहे. पासवर्ड तुमचे ऑनलाइन खाते, वैयक्तिक माहिती, बँकिंग डेटा आणि गोपनीय फाइल्स सुरक्षित ठेवतो. परंतु, जर तुमचा पासवर्ड कमकुवत असेल किंवा योग्यप्रकारे व्यवस्थापित केला नसेल, तर तुमचा डेटा हॅकिंगच्या धोक्यात येऊ शकतो. त्यामुळं पासवर्ड मजबूत असावा.

विश्वासार्ह वेबसाइट्स आणि ॲप: आजच्या डिजिटल युगात ऑनलाइन खरेदी, बँकिंग आणि व्यवहार करण्यासाठी सुरक्षित आणि विश्वासार्ह वेबसाइट्स आणि ॲप वापरणे अत्यंत महत्त्वाचे आहे.

चुकीच्या किंवा फसवणुकीच्या वेबसाइट्स, ॲपचा वापर केल्यास आर्थिक नुकसान आणि डेटा चोरी होऊ शकते. वेबसाइटचे URL "https://" ने सुरू होत असल्याची खात्री करा. आर्थिक नुकसान टाळण्यासाठी Google Play Store (Android) किंवा Apple App Store (iOS) वरूनच अ‍ॅप डाउनलोड करा. थर्ड-पार्टी किंवा APK फाइल्स टाळा.