मध्य अमेरिकेतील कोस्टा रिका या देशात गुरुवारी एक भीषण विमान अपघात (Accident) झाला. यामध्ये इमर्जन्सी लँडिंग करताना विमान मध्यभागी तुटल्याने त्याचे दोन तुकडे झाले. या विमान अपघाताची काही छायाचित्रेही समोर आली आहेत. (dhl cargo plane breaks in two during emergency landing costa rica)

मिळालेल्या माहितीनुसार, कोस्टा रिकामधील जुआन सांता मारिया आंतरराष्ट्रीय विमानतळावर गुरुवारी हा अपघात झाला. वास्तविक, DHL च्या मालवाहू विमानात काही यांत्रिक समस्या होती, त्यानंतर त्याचे जुआन सांता मारिया विमानतळावर आपत्कालीन लँडिंग (Landing) करण्यात आले, यादरम्यान त्याचे दोन तुकडे झाले.

मालवाहू विमानाचे दोन तुकडे

ते प्रवासी विमान नसून मालवाहू विमान होते, ही दिलासादायक बाब होती. मालवाहू विमानात प्रवासी प्रवास करत नाहीत. इकडून तिकडे वस्तू नेल्या जातात. कार्गो विमानात फक्त दोन क्रू मेंबर्स होते, त्यांची प्रकृती ठीक असल्याचे सांगण्यात येत आहे. वैमानिकालाही कोणतीही मोठी दुखापत झाली नाही.

जर्मन कंपनी DHL चे हे पिवळ्या रंगाचे विमान जमिनीवर आले तेव्हा त्यातून धूर निघत होता. असे सांगितले जात आहे की ते धावपट्टीवरून घसरले आणि नंतर विमानाच्या मागील चाकाजवळ दोन तुकडे झाले.

गुरुवारी सकाळी 10.30 वाजता हा अपघात झाला. बोइंग-757 विमानाने सांता मारिया विमानतळावरून उड्डाण केले. अपघातानंतर सायंकाळी सहा वाजेपर्यंत विमानतळ बंद ठेवण्यात आले होते.