Delhi Shopping Festival: आज दुपारी 12 वाजता दिल्लीतील जनतेसाठी मोठी घोषणा करणार आल्याचे केजरीवाल यांनी सांगितले होते. आणि त्यांना आज खरच दिल्लीतील लोकांना मोठी आणि आनंदाची बातमी दिली आहे. देशातील सर्वात मोठा शॉपिंग फेस्टिव्हल दिल्लीत आयोजित केला जाणार आहे. मुख्यमंत्री अरविंद केजरीवाल (Arvind Kejriwal) यांनी पत्रकार परिषदेत ही मोठी घोषणा केली. राजधानी दिल्लीत देशातील सर्वात मोठा शॉपिंग फेस्टिव्हल आयोजित करण्यात येणार असल्याचे त्यांनी सांगितले. गेल्या 30 दिवसांपासून त्याचे नियोजन सुरू होते आणि आता त्याचे काउंटडाउन सुरू झाले आहे.

जगातील सर्वात मोठा फेस्टिवल

आगामी काळात हा जगातील सर्वात मोठा सण असेल, दिल्लीतील लोकांना आणि तिथली संस्कृती समजून घेण्यासाठी जगभरातील लोकांना या महोत्सवासाठी आमंत्रित केले जाईल. यासोबतच या महोत्सवात लहान मुले, वृद्ध, महिलांसह समाजातील प्रत्येक घटकासाठी खूप काही असेल, असेही केजरीवाल म्हणाले.

28 जानेवारी ते 26 फेब्रुवारी (2023 मध्ये) 30 दिवसांचा दिल्ली शॉपिंग फेस्टिव्हल आयोजित केला जाईल. हा भारतातील सर्वात मोठा शॉपिंग फेस्टिव्हल असेल. आम्ही त्याचे नियोजन करत आहोत. मला आशा आहे की काही वर्षांत आम्ही हा जगातील सर्वात मोठा शॉपिंग फेस्टिव्हल बनवू, असे दिल्लीचे मुख्यमंत्री अरविंद केजरीवाल म्हणाले.