Delhi Foreign Youth Brutality Case: राजधानी दिल्लीतील शकरपूर भागात दोन बांगलादेशी तरुणांवर सामूहिक बलात्कार झाल्याची घटना समोर आली आहे. हे दोन्ही तरुण एलजीबीटी समुदायातील असल्याचे सांगितले जात असून ते रामलीला पाहून परतत होते.
वाटेत पाच मुलांनी त्यांना जबरदस्तीने उद्यानात नेले. तिथे त्यांनी त्यांच्याशी गैरकृत्य केले. दिल्ली पोलिसांनी 3 आरोपींना अटक केली आहे. 20 वर्षीय देवाशिष वर्मा, 21 वर्षीय सुरजीत आणि 20 वर्षीय आर्यन अशी आरोपींची नावे आहेत. तिन्ही आरोपी शकरपूर येथील रहिवासी आहेत.
बांगलादेशी तरुण हे समलिंगी जोडपे आहेत. एक तरुण दिल्लीत शिक्षणासाठी राहतो. तर दुसरा सध्या येथे त्याला भेटण्यासाठी आला होता. एका गे डेटिंग अॅपवर दोघांची मैत्री झाली होती. हे दोघेजण रामलीला पाहून परतत होते.
त्याचवेळी दिल्लीत राहणाऱ्या तरुणाचा जुना मित्र त्यांना भेटला होता. हा मित्र मुख्य आरोपी (Accused) असल्याचे बोलले जात आहे. तो गे समुदायातील असल्याचेही सांगितले जात आहे.
दोन्ही तरुण समलिंगी असल्याची माहिती आरोपींना मिळाली होती. यानंतर तो त्यांच्याकडे सेक्सची मागणी करु लागला. दरम्यान त्याने त्याच्या चार मित्रांना फोन केला होता. आरोपींनी दोघांनाही बेदम मारहाण करुन उद्यानात नेले.
यानंतर सामूहिक बलात्कार झाला. बुधवारी रात्री पोलिसात (Police) तक्रार करण्यात आली. आरोपीच्या शोधासाठी पोलिसांनी 20 हवालदारांची टीम तयार केली होती.
सुमारे 50 सीसीटीव्ही स्कॅन केल्यानंतर आणि अनेक एलजीबीटी लोकांची चौकशी केल्यानंतर 3 आरोपींना अटक करण्यात आली आहे. अन्य दोघांचा शोध सुरु आहे. आरोपी दिल्लीबाहेर जाण्याची शक्यता पोलिसांनी व्यक्त केली आहे.
पोलिसांनी पीडितांची वैद्यकीय तपासणी केली आहे. मारहाणीनंतर आरोपींनी या लोकांशी गैरवर्तन केले. तेथून पुरावे गोळा केले जात आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.