Corona Dainik Gomantak
देश

Corona In India: कोरोना रुग्णांच्या संख्येत होतेय झपाट्याने वाढ! तीन राज्यात मास्क अनिवार्य, आता...

Corona In India: देशातील कोरोनाचे वाढते प्रमाण पाहता अनेक राज्यांमध्ये मास्क अनिवार्य करण्यात आले आहेत.

Manish Jadhav

Corona In India: देशातील कोरोनाचे वाढते प्रमाण पाहता अनेक राज्यांमध्ये मास्क अनिवार्य करण्यात आले आहेत. या राज्यांमध्ये, दिल्लीला लागून असलेल्या हरियाणा, महाराष्ट्र आणि तामिळनाडूच्या काही भागात, सरकारने मास्क घालणे अनिवार्य केले आहे.

अशा परिस्थितीत, लवकरच दिल्लीतही मास्क अनिवार्यपणे घालण्याचे दिवस परत येण्याची शक्यता आहे.

केंद्रीय आरोग्य मंत्रालयाने जारी केलेल्या आकडेवारीनुसार, गेल्या 24 तासांत कोरोनाचे 3,038 नवीन रुग्ण आढळले आहेत. यासह, देशात उपचार घेत असलेल्या रुग्णांची संख्या 21,179 झाली आहे.

आकडेवारीनुसार, सोमवारी दिल्ली (Delhi) आणि पंजाबमध्ये प्रत्येकी दोन जणांचा कोरोनामुळे मृत्यू झाला. त्याचवेळी, जम्मू-काश्मीर, महाराष्ट्र आणि उत्तराखंडमध्ये 1-1 रुग्णांचा मृत्यू झाला आहे. त्यामुळे देशातील मृतांचा आकडा 5,30,901 वर पोहोचला आहे.

मास्कबाबत नवीन नियम काय आहेत?

हरियाणाच्या मनोहर लाल खट्टर सरकारने राज्यातील 100 हून अधिक लोकांच्या एकत्र येण्याच्या ठिकाणी मास्क घालणे अनिवार्य केले आहे.

म्हणजेच 100 पेक्षा जास्त लोकांचा मेळावा असेल त्या ठिकाणी मास्क लावणे आवश्यक आहे. याशिवाय, राज्यातील वैद्यकीय क्षेत्राशी संबंधित सर्व लोकांना मास्क घालावे लागणार आहे.

राज्याचे आरोग्य मंत्री अनिल विज यांनी ही माहिती दिली आहे. याशिवाय सर्दी-खोकला असलेल्या रुग्णांना अनिवार्यपणे तपासणी करण्याचा सल्ला देण्यात आला आहे.

तसेच, महाराष्ट्रात (Maharashtra) सरकारने सातारा जिल्ह्यातील सरकारी कार्यालये आणि ट्रस्ट कार्यालये तसेच महाविद्यालये आणि बँकांमध्ये मास्क घालणे बंधनकारक केले आहे.

तमिळनाडू सरकारनेही 1 एप्रिलपासून रुग्णालयांमध्ये सतत वाढणारी प्रकरणे पाहता मास्क अनिवार्य केले आहेत. सध्या देशात कोरोनाच्या सक्रिय रुग्णांची संख्या 21,179 आहे ज्यांवर उपचार सुरु आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

आम्ही देशप्रेमी, तू देशद्रोही! गोव्यात आणखी एका सामाजिक कार्यकर्त्याला धमकी, BJP नेत्याने धमकीचा फोन केल्याचा आरोप

E-Waste: प्रत्येक नव्या खरेदीमागे जुन्या उपकरणांचा कचरा वाढतो, तोच ढीग गंभीर समस्या म्हणून उभा राहतो; ई-कचऱ्याचा विळखा

Super Cup: सुपर कपचा बिगुल! 25 ऑक्टोबरपासून रंगणार थरार; FC Goa समोर विजेतेपद राखण्याचे खडतर आव्हान

Goa Taxi: 'टॅक्‍सी ॲग्रीगेटर जबरदस्तीने लादणार नाही'! गुदिन्‍होंची हमी; सरकारकडे सुमारे 3500 सूचना, हरकती

Panaji: ‘बोर्डवॉक’ची पणजी महानगरपालिका दुरुस्ती करणार? 2 वर्षांपासून दुर्दशा; धोका असूनही नागरिकांचा वावर

SCROLL FOR NEXT