Congress President Election Candidates: काँग्रेस अध्यक्षपदाच्या निवडणुकीबाबत मोठी बातमी समोर आली आहे. सूत्रांनी दिलेल्या माहितीनुसार, काँग्रेसचा पुढील अध्यक्ष गांधी घराण्यातील नसेल. आज दिल्लीत शशी थरुर आणि सोनिया गांधी यांच्या भेटीनंतर या गोष्टींना आणखी बळ मिळताना दिसत आहे. राहुल गांधी यांनी यापूर्वी काँग्रेस अध्यक्ष होण्यास नकार दिला होता. काँग्रेस अध्यक्षपदासाठी निवडणूक झाल्यास राजस्थानचे मुख्यमंत्री अशोक गेहलोत आणि पक्षाचे ज्येष्ठ नेते शशी थरुर हे प्रमुख दावेदार असतील, असे सूत्रांनी स्पष्टपणे सांगितले आहे.

शशी थरुर यांनी सोनिया गांधी यांची भेट घेतली

पुढील महिन्यात होणाऱ्या निवडणुकीत काँग्रेस अध्यक्षपदासाठी उमेदवारी देण्याचे संकेत देणाऱ्या शशी थरुर यांनी सोमवारी सोनिया गांधींची भेट घेतली. पक्षातील सुधारणांच्या आवाहनाला त्यांनी जाहीर पाठिंबा दिला. काँग्रेसच्या अंतरिम अध्यक्षा सोनिया गांधी (Sonia Gandhi) परदेशात वैद्यकीय तपासणी करुन दिल्लीत परतल्या आहेत. काँग्रेस अध्यक्षपदासाठी नामांकन सुरु होण्याच्या तीन दिवस आधी सोनिया गांधींना भेटायला आलेल्या काँग्रेस (Congress) नेत्यांपैकी शशी थरुर हे एक आहेत.

अशोक गेहलोत राहुल यांना पाठिंबा देत आहेत

'भारत जोडो यात्रा' या जनसंपर्क कार्यक्रमाद्वारे काँग्रेस तळागाळापर्यंत पोहोचण्याचा प्रयत्न करत असताना, पक्षाचे वरिष्ठ नेते पक्ष नेतृत्वासारख्या इतर चिंतांकडेही लक्ष देत आहेत. याच क्रमाने, राजस्थानचे मुख्यमंत्री अशोक गेहलोत यांनी शनिवारी राहुल गांधी (Rahul Gandhi) यांची काँग्रेस अध्यक्षपदी फेरनियुक्ती करण्याचा ठराव मंजूर केला. अशोक गेहलोत सुरुवातीपासूनच राहुल गांधींना काँग्रेस अध्यक्ष बनवण्याच्या बाजूने आहेत.