पंजाब विधानसभा निवडणुकीत आम आदमी पार्टीचे उमेदवार भगवंत मान यांनी विजय संपादित केला आहे. भगवंत मान यांनी संगरूर मतदारसंघातून निवडणूक लढवली होती. विजयानंतर भगवंत यांनी पार्टी कार्यकर्ते आणि समर्थकांना अभिवादन केले.

दरम्यान त्यांच्या कुटुंबीयांनी (Family) भावनिक प्रतिक्रिया दिली. मान यांच्या आईने हात जोडून मतदारांचे आभार मानले. त्यांच्या बहिणीनेदेखील लोकांना अभिवादन केले. यावेळी तयांनी आईला मिठी मारली.

दरम्यान, मान यांनी मनोगत व्यक्त करताना काँग्रेसवर (Congress) निशाणा साधला. ते म्हणाले, 'कॉंग्रेसने माझ्यावर चिखलफेक केली. मला बदनाम करण्याचा प्रयत्न केला. मात्र लोकांनी माझी साथ सोडली नाही. जनतेने कॉंग्रेसला नाकारले आहे. सिद्धू आणि चन्नी या दोघांना लोकांनी धुडकारले आहे.' ते पुढे म्हणाले, 'हा पंजाबच्या लोकांचा विजय आहे. आगामी काळात 'आप'ने (AAP) दिलेली सर्व आश्वासने पक्ष नक्कीच पूर्ण करेल. पंजाबच्या लोकांना आता चिंता करण्याची गरज नाही.'