Bengaluru bandh announced on September 26, struggle over Cauvery Water Dispute. Dainik Gomantak
देश

Cauvery Water Dispute: 26 सप्टेंबरला बंगळुरू बंदची घोषणा, कावेरी मुद्द्यावरून पुन्हा संघर्ष

Bengaluru Bandh: राज्य मंत्रिमंडळाने शुक्रवारी 195 तालुक्यांमध्ये दुष्काळ जाहीर करण्याचा आणि राष्ट्रीय आपत्ती प्रतिसाद दलाच्या अंतर्गत केंद्राकडून नुकसान भरपाई मागण्याचा प्रस्ताव मान्य केला.

Ashutosh Masgaunde

Bengaluru bandh announced on September 26, struggle over Cauvery Water Dispute:

कावेरीचे पाणी तामिळनाडूला देऊ नये, या मागणीसाठी कर्नाटकातील विविध संघटनांनी मंगळवार, २६ सप्टेंबर रोजी बेंगळुरू बंदची हाक दिली आहे.

शहरातील फ्रीडम पार्क येथे अनेक संघटनांच्या बैठकीनंतर हा निर्णय जाहीर करण्यात आला. शेतकरी नेते कुरुबुरु शांताकुमार यांनी बंदचा निर्णय जाहीर करत विविध संघटनांकडून सहकार्य मागितले.

शांताकुमार यांनी शाळा आणि महाविद्यालये, फिल्म चेंबर्स आणि आयटी कंपन्यांना सुट्टी जाहीर करण्याचे आवाहन केले. या मुद्द्यावर चर्चा करण्यासाठी विधानसभेचे विशेष अधिवेशन बोलावण्याची मागणीही त्यांनी सरकारकडे केली.

15 संघटनांचा बंदला पाठींबा

आम आदमी पार्टी (आप), अनेक निवासी कल्याणकारी संघटना आणि कन्नड समर्थक गटांसह १५ हून अधिक संघटना या बैठकीला उपस्थित होत्या. कावेरी मुद्यावर शनिवारी बेंगळुरूमध्ये विविध गटांनी निदर्शने केली आणि अनेक ठिकाणी वाहतूक रोखण्याचा प्रयत्न केला.

सर्वोच्च न्यायालयाचा आदेश मान्य करून तामिळनाडूला पाणी सोडण्याचा निर्णय कर्नाटक सरकारने शुक्रवारी घेतला.

मुख्यमंत्री सिद्धरामय्या यांच्या अध्यक्षतेखाली झालेल्या मंत्रिमंडळाच्या बैठकीत हा निर्णय घेण्यात आला. त्याच वेळी, सर्वोच्च न्यायालयाने 21 सप्टेंबर रोजी तामिळनाडूला 5,000 क्युसेक पाणी सोडण्याच्या कावेरी जल व्यवस्थापन प्राधिकरणाच्या आदेशात हस्तक्षेप करण्यास नकार दिला होता.

195 तालुक्यांमध्ये दुष्काळ

तामिळनाडूला पाणी सोडण्याच्या राज्य सरकारच्या निर्णयाचा निषेध करत रविवारी मंड्यामध्ये विविध संघटना बंद पाळत आहेत.

कर्नाटक सरकारने राज्यात पाऊस नसल्याचं कारण देत कावेरीचं पाणी सोडण्यास असमर्थता व्यक्त केली होती. सिद्धरामय्या यांनी ऑगस्टमध्ये राज्यात 73 टक्के कमी पाऊस झाल्याचे सांगितले होते.

राज्य मंत्रिमंडळाने शुक्रवारी 195 तालुक्यांमध्ये दुष्काळ जाहीर करण्याचा आणि राष्ट्रीय आपत्ती प्रतिसाद दलाच्या अंतर्गत केंद्राकडून नुकसान भरपाई मागण्याचा प्रस्ताव मान्य केला.

पीक नुकसान सर्वेक्षणाच्या आधारे, राज्य सरकारने म्हटले होते की 161 तालुके गंभीर दुष्काळाचा सामना करत आहेत आणि 34 तालुके मध्यम दुष्काळाचा सामना करत आहेत.

राज्यात आंदोलने सुरूच

कर्नाटकचे गृहमंत्री जी. परमेश्वरा म्हणाले की, पोलीस कोणत्याही परिस्थितीला तोंड देण्यासाठी पूर्णपणे तयार आहेत. म्हैसूर, मंड्या, चामराजनगर, रामनगरा, बेंगळुरू आणि राज्याच्या इतर भागात कावेरी नदी खोऱ्यात शेतकरी संघटना आणि समर्थक कन्नड संघटनांनी निषेध व्यक्त करून संताप व्यक्त केला. आंदोलकांनी राज्य सरकारला शेजारच्या राज्याला पाणी न सोडण्याची विनंती केली आहे.

कर्नाटकचे म्हणणे आहे की, ते कावेरी नदी खोऱ्यातील उभ्या पिकांसाठी सिंचनाच्या पाण्याच्या आणि पिण्याच्या पाण्याच्या गरजा पूर्ण करण्यासाठी पाणी सोडण्याच्या स्थितीत नाही कारण मान्सूनच्या कमी पावसामुळे पाण्याची कमतरता आहे. शुक्रवारी, चित्रदुर्ग, बल्लारी, दावणगेरे, कोप्पल आणि विजयपुरा यांसारख्या जिल्ह्यांमध्येही निदर्शने झाली होती.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT