Ayodhya Temple : उत्तर प्रदेश राज्यातील अयोध्या येथील प्रभू श्रीराम मंदिराच्या उभारणीचे काम सध्या युद्ध पातळीवर सुरु आहे. राम मंदिर कधी उघडणार याची तारीख देखील काल गृहमंत्री अमित शाह यांनी घोषित केली.

आंतरराष्ट्रीय जिहादी संघटनेने गझवा-ए-हिंद या त्यांच्या नियतकालिकात मंदिर उडवून देण्याची धमकी दिली आहे. या नियतकालिकाच्या अंकात अल कायदा ही संघटना अयोध्येतील राम मंदिर तोडून त्या ठिकाणी मस्जिद बांधणार असल्याचेही म्हटलं आहे.

तसेच यातून भारतीय मुस्लिमांना असे सांगितले आहे की,  त्यांनी "या कारणामुळे भौतिक हानीची भीती बाळगू नये", कारण त्यांनी आधीच अनेक दशकांपासून जीवन आणि मालमत्तेचा नाश सहन केला आहे. या जीवाचा आणि मालमत्तेचा वापर जिहादसाठी केला असता तर एवढी हानी झाली नसती". भारतीय मुस्लिमांसाठी धर्मनिरपेक्षतेला मानू नये. धर्मनिरपेक्षता हा  "नरक" आहे आणि हिंदू-मुस्लिम बंधुत्वाच्या घोषणा ही "फसवणूक" आहे.

त्यात पुढे असेही म्हटले आहे की, "जामिया मिलिया (इस्लामिया) आणि अलीगढ, जामिया उस्मानिया (हैदराबाद उपनगर) आणि देवबंद (शहर) पर्यंत हिंदू प्रत्येकासाठी चाकू, भाले आणि तलवारी धारदार करत आहेत. सर्व हिंदूंना काठ्या वापरायला शिकवले जात आहे.