तालिबानच्या (Taliban) समर्थनार्थ सोशल मीडिया पोस्ट लिहिल्याबद्दल 14 लोकांना आसामच्या विविध भागातून अटक करण्यात आली आहे. वरिष्ठ पोलीस अधिकाऱ्याने सांगितले की, शुक्रवारी रात्रीपासून अटकसत्र सुरु होते. सर्व आरोपींवर बेकायदेशीर क्रियाकलाप (प्रतिबंध) कायदा, आयटी कायदा आणि सीआरपीसीच्या वेगवेगळ्या कलमांखाली गुन्हा दाखल करण्यात आला आहे.

विशेष डीजीपी जीपी सिंह म्हणाले की, आसाम पोलिसांनी तालिबानी कारवायांच्या समर्थनार्थ सोशल मीडिया पोस्टसाठी 14 जणांना अटक केली आहे. सिंग पुढे म्हणाले की, या सर्वांनी कायद्यातील तरतुदींचे उल्लंघन केले आहे. आसाम पोलिसांनी लोकांना दंडात्मक कारवाई टाळण्यासाठी सोशल मीडिया प्लॅटफॉर्मवरील पोस्ट इत्यादींसंबंधी सावधगिरी बाळगण्याचा सल्ला दिला आहे.

आसाम पोलिसांची नजर भडकाऊ पोस्टवर

दरम्यान, पोलीस अधिकाऱ्याने सांगितले की, पोलीस सतर्क आहेत आणि प्रक्षोभक पोस्टसाठी सोशल मीडियावर बारीक नजर ठेवून आहेत. कामरुप महानगर, बारपेटा, धुबरी आणि करीमगंज जिल्ह्यातून प्रत्येकी दोन जणांना अटक करण्यात आल्याचे पोलिसांनी सांगितले. ते म्हणाले की, दरंग, कचर, हैलाकंडी, दक्षिण सलमारा, गोलपारा आणि होजाई जिल्ह्यातील प्रत्येकी एका व्यक्तीला अटक करण्यात आली आहे. उपमहानिरीक्षक व्हायोलेट बरुआ म्हणाले की, आसाम पोलीस सोशल मीडियावरील तालिबान समर्थक टिप्पणीविरोधात कडक कायदेशीर कारवाई करत आहे कारण ते राष्ट्रीय सुरक्षेसाठी हानिकारक आहे.

अफगाणिस्तानवर तालिबानच्या कब्जामुळे पाकिस्तान खूश

काबूलसह अफगाणिस्तानचे अनेक भाग तालिबानच्या ताब्यात असल्याची माहिती आहे. तालिबान नंतर, जर कोणी यात सर्वात आनंदी असेल तर ते पाकिस्तान आहे. म्हणूनच इम्रान खान यांनी अफगाणिस्तानवर तालिबानच्या कब्जाची तुलना गुलामगिरीच्या साखळी तोडण्याशी केली.

चीन आणि पाकिस्तान तालिबानचा भारताविरुद्ध वापर करण्याचा प्रयत्न करतील. अफगाणिस्तानातील भारताच्या विकास प्रकल्पांना अडथळा आणणे आणि काश्मीरच्या नावाने चालवल्या जाणाऱ्या प्रॉक्सी वॉरचा भाग बनणे. अमेरिकन सैन्याच्या माघारीनंतर अफगाणिस्तान आता चीन-पाकिस्तानसाठी खुले मैदान आहे. जिथे तो मुक्तपणे खेळू शकतो, त्यामुळे भारतही या त्रिकुटाच्या समन्वयावर लक्ष ठेवून आहे.