एआयएमआयएमचे (AIMIM) प्रमुख असदुद्दीन ओवेसी(Asaduddin Owaisi) यांनी चीन (China)आणि अफगाणिस्तानच्या (Afghanistan) मुद्द्यावरून पंतप्रधान नरेंद्र मोदींवर (Narendra Modi)निशाणा साधला आहे. त्यांनी म्हटले आहे की, एकीकडे पंतप्रधान मोदी बहिष्कार चीनबद्दल बोलतात, तर दुसरीकडे ते स्वतः चिनी व्यवसायाला प्रोत्साहन देतात. त्यांनी एकापाठोपाठ दोन ट्वीट करून मोदी सरकारवर गंभीर आरोप केले आहेत.(Asaduddin Owaisi: Narendra Modi has still not uttered the word Taliban)

चीनच्या मुद्द्यावर बोलताना त्यांनी ट्विट केले की, "चीनवर मोदींच्या प्रवक्त्याने आर्थिक बहिष्काराची मागणी केली आणि भारतीयांना चिनी एजंट म्हटले. पण वास्तव हे आहे की मोदींचा चीनबरोबरचा व्यापार वाढला आहे तर इतर देशांसोबत तो कमी झाला आहे. मोदी चीनचे नाव घेण्यासही घाबरत आहेत, तर चीनने भारतीय जमिनीवर कब्जा केलाआहे."

तसेच असदुद्दीन ओवेसी यांनी अफगाणिस्तान (Afghanistan) मुद्द्यावरूनही मोदींवर निशाणा साधला आहे "अफगाणिस्तानात जा" आणि प्रत्येकाला "तालिबान" (Taliban) म्हणण्यास सांगतात. पण मोदी हे एकमेव आहेत जे अफगाणिस्तानात गेले आणि त्यांनी 3 अब्ज डॉलर्स खर्च केले आहेत . मोदींनी तालिबानची दहशतवादी संघटना (Terrorists) म्हणून अजूनही नोंद केली नाही तसेच मोदींनी अजून "तालिबान" शब्दही उच्चारला नाही." असे म्हणत त्यांनी सरकारला विशेषतः मोदींना घेरण्याचा प्रयत्न केला आहे.

काबूल, अफगाणिस्तानमधील परिस्थिती यावेळी अत्यंत नाजूक आहे. हमीद करझई आंतरराष्ट्रीय विमानतळाजवळील भागात अनेक रॉकेट सोडण्यात आले आहेत. हल्ला अशा वेळी झाला आहे जेव्हा अमेरिकन सैन्य अफगाणिस्तानातून माघार घेत आहेत. प्रत्यक्षदर्शींनी रॉकेट हल्ल्याची माहिती दिली आहे. सोमवारी सकाळी काबूलच्या सलीम कारवां भागात रॉकेट्स सोडली होती. स्फोटानंतर लगेच गोळीबाराचा आवाज ऐकू आला, पण गोळीबार कोणी केला हे लगेच स्पष्ट झाले नाही.