पंजाब विधानसभा निवडणुकीसाठी चार दिवसांनी मतदान होणार आहे. तत्पूर्वी भाजप, काँग्रेस, आप, अकाली दल या प्रमुख पक्षांनी आपली पूर्ण ताकद पणाला लावली आहे. दरम्यान, आम आदमी पक्षाचे माजी नेते कुमार विश्वास यांनी दिल्लीचे मुख्यमंत्री अरविंद केजरीवाल यांच्यावर गंभीर आरोप केले आहेत. कवी कुमार विश्वास (Kumar Vishwas) म्हणाले की, 'अरविंद केजरीवाल (Arvind Kejriwal) हे खलिस्तानचे समर्थक आहेत, सत्तेसाठी माणूस कोणत्याही थराला जाऊ शकतो.' याच पाश्वभूमीवर आता अरविंद केजरीवाल यांनी पलटवार करत म्हटले की 'मी जनेतेसाठी हॉस्पीटलची उभारणी करतो.' (Arvind Kejriwal said I am best terrorist in world)

दरम्यान, आपल्यावरील आरोपांवर आम आदमी पक्षाचे (आप) सर्वेसर्वा अरविंद केजरीवाल यांनी प्रतिक्रिया दिली आहे. आम आदमी पार्टीचे संस्थापक सदस्य कुमार विश्वास यांनी केजरीवाल यांच्यावर नुकत्याच केलेल्या गंभीर आरोपांवरुन विरोधकांनी केजरीवाल यांच्यावर निशाणा साधला होता. याप्रकरणी केजरीवाल यांनी आपली बाजू मांडली आहे.

केजरीवाल म्हणाले, 'ते मला दहशतवादी म्हणतात, मी जगातील असा एकमेव दहशतवादी आहे, जो हॉस्पिटल बनवतो.' यामध्ये आमचा काय दोष? आम्ही शिक्षण, आरोग्य, वीज, दिल्लीप्रमाणेच पंजाबमध्येही देऊ.'