देशभरात दिवाळीचा (Diwali) सण मोठ्या उत्साहात साजरा केला जात आहे. दिवाळीत आई-वडील आपल्या पाल्यांना विविध प्रकारचे फटाकेही आणून देतात. एकंदरीत त्यांना आनंदी ठेवण्यासाठी माता पित्यांकडून अनेक प्रयत्न केले जातात. परंतु काही पालक लहान मुलांना फटाके फोडण्यासाठी एकटेच सोडतात. आणि त्यानंतर आपण कधी कल्पनाही केली नसेल अशा घटना घडतात. अशीच एक धक्कादायक घटना समोर आली आहे. गुजरातमधील (Gujarat) सुरत (Surat) जिल्ह्यात अशीच मनाचा थरकाप उडवणारी घटना घडली आहे. सुरतमधील डिंडोलीमध्ये तीन वर्षाच्या मुलाने पॉप-अप (Pop-Up) फटाके खाल्ल्याने मृत्यू झाल्याची घटना समोर आली आहे.

दरम्यान, त्यानंतर या चिमुकल्याला अतिसार आणि उलट्यांचा त्रास सुरु झाला. ही घटना समोर येताच या लहानग्याला तात्काळ उपचारासाठी रुग्णालयात दाखल करण्यात आले. मात्र दुर्देवाने तिथे पोहोचताच त्याचा मृत्यू झाला होता. खास करुन दिवाळीमध्ये पालकांना सावध करणाऱ्या या प्रकरणाबाबत बोलताना या चिमुकल्याच्या वडीलांनी सुरतमधील डिंडोली येथे आपल्या तीन वर्षाच्या मुलाच्या आनंदादासाठी फटाके आणून दिले होते. मात्र मुलगा लहान असल्याने फटाके फोडून झाल्यानंतर त्याला घरी सोडण्यात आले होते. यानंतर या लहानग्याने थेट फटाकाच गिळला. दरम्यान तो आजाराही पडला होता. अतिसार आणि उलट्याचा त्रास सुरु असतानाच पॉप-अप फटाका फुटल्याने त्याच्यावर उपचार करण्यासाठी रुग्णालयामध्ये दाखल करण्यात आले असल्याची माहिती देण्यात आली. जिथे डॉक्टरांनीच त्याला मृत म्हणून घोषित केले. या घटनेनंतर डॉक्टरांनी खास करुन दिवाळीमध्ये फटाक्यांपासून आपल्या मुलांना संभाळून आणि सावध राहण्याचे आवाहन केले.