प्रसिद्ध वैद्यकीय जर्नल लॅन्सेन्टच्या अभ्यासानुसार भारतात दरवर्षी साधारणत: 40 लाख लोकांचा थंडी आणि उष्माघातामुळे मृत्यू होता. यावरुन हवामानातील बदल हे किती गंभीर आव्हान आहे याचा अंदाज लावला जाऊ शकतो.

ऑस्ट्रेलियाच्या मोनाश विद्यापीठाच्या संशोधकांच्या नेतृत्वाखालील झालेल्या अभ्यासात असे आढळले की, बदलत्या तापमानामुळे जगभरात 5 दशलक्षाहुन अधिक लोक मृत्यूमुखी पडतात.

कोरोना विषाणुमूळे होणाऱ्या मृत्यूंपेक्षा थंडी आणि उष्माघातामुळे होणाऱ्या मृत्यूची संख्या जास्त आहे, यावरूनही या समस्येचे गांभीर्य लक्षात येते . बुधवारी प्रसिद्ध झालेल्या अहवालात असे म्हटले आहे की, 2000 ते 2019 दरम्यान जगातील सर्वच भागांत उष्ण तापमानामुळे होणाऱ्या मृत्यूंमध्ये वाढ झाली असून, जागतिक तापमानवाढीमुळे होणाऱ्या मृत्यूंची संख्या भविष्यात आणखी वाढण्याचा धोका आहे.

भारतात, थंड तापमानामुळे वर्षाकाठी 655400 मृत्यू होतात, तर उष्ण तापमानाशी संबंधित मृत्यूंची संख्या सुमारे, 83,700 आहे. तसेच 2000 ते 2019 दरम्यान मृत्यू आणि तापमानाचा अभ्यास केला, त्यानुसार दर दशकात जागतिक तापमानात 0.26 डिग्री सेल्सिअसने वाढ झाली.