पंतप्रधान नरेंद्र मोदी(Narendra Modi) यांच्या नेतृत्वाखालील केंद्रीय मंत्रिमंडळाचा(Cabinet Expansion) विस्तार आज सांयकाळी होणार आहे. नरेंद्र मोदींच्या दुसऱ्या टर्ममधील हा पहिला मंत्रिमंडळ विस्तार असेल. केंद्रीय मंत्री सदानंद गौडा(Sadanad Gowda), शिक्षणमंत्री रमेश पोखरियाल निशंक(Ramesh Pokhriyal), कामगारमंत्री संतोष गंगवार(Santosh Gangway) आणि देबोश्री चौधरी(Deboshri Choudhary) यांनी राजीनामा दिला आहे.

गेल्या अनेक दिवसांपासून केंद्रीय मंत्रिमंडळाचा विस्तार होणार अशा बातम्यांनी दिल्लीसह देशाच राजकारण तापले होते. नरेंद्र मोदी दुसऱ्यांदा पंतप्रधान झाल्यापासून हा केंद्रीय मंत्रिमंडळाचा पहिलाच विस्तार होणार होता त्यामुळे या मंत्रिमंडळात कोणाची वर्णी लागणार यासह हा विस्तार कधी होणार याकडे साऱ्या देशाचं लक्ष लागले होते पण हि प्रतीक्षा आता संपली आहे कारण हा विस्तार आज सायंकाळी होणार आहे.

तत्पूर्वी दिल्लीचे राजकारण जोरात सुरु आहे कारण विद्यमान मंत्रिमंडळात अनेक बदल होताना दिसत आहेत.कारण कालच केंद्रीय सामाजिक न्याय मंत्री थावर चंद गेहलोत यांची राज्यपालपदी नियुक्ती करण्यात आली आहे. तर आज विस्ताराच्या अगदी काही तासापूर्वी संतोष गंगवार, केंद्रीय शिक्षणमंत्र्यांनाही बाहेरचा रस्ता दाखवण्यात आला आहे. यात महिला व बाल विकास राज्यमंत्र्यांनाही राजीनामा घेण्यात आला आहे.

केंद्रीय सामाजिक न्यायमंत्र्यांपासून झाली. केंद्र सरकारने ८ राज्याचे राज्यपाल बदलत असताना केंद्रीय सामाजिक न्याय मंत्री थावर चंद गेहलोत यांची कर्नाटकच्या राज्यपालपदी नियुक्ती करत त्यांना बाहेरचा रस्ता दाखवला.

मंत्रिमंडळ विस्तार करताना विविध राज्यांच्या विधानसभा आणि २०२४ मध्ये होणाऱ्या लोकसभा निवडणुका जिंकण्याच्या दृष्टीने भाजप रणनीती आखणार हे नक्की होत आणि तसेच होताना दिसत आहे . सध्या केंद्रीय मंत्रिमंडळात ५३ मंत्री आहेत मात्र आता यातल्याच काही मंत्र्यांनी राजीनामा दिल्याने आता नेमका कसा फेरबदल होऊन एकूण किती जणांना संधी मिळेल आणि आज स्थापन होणारे मोदींचे नवीन मंत्रिमंडळ कसे असेल हे पाहणे महत्वाचे ठरणार आहे.