मागच्या रविवारी खोर्ली, जुने गोवे येथे झालेल्या ‘आंब्याच्या फेस्ता’त पंचवीस महिलांनी एकत्र येऊन ‘घूम घूम’ या गाण्याच्या तालावर घुमट वादन सादर केले. गोव्याचे राज्यवाद्य असलेले घुमट इतक्या संख्येने महिलांनी एकत्र येऊन वाजवण्याचा कदाचित हा पहिलाच प्रसंग असावा. गोव्याचे सर्वात प्राचीन वाद्य असलेले हे वाद्य सहसा पुरुषांकडूनच वाजवले जाते. हे घुमटवादन सादर करण्यासाठी या महिलांचा चार दिवस सराव चालू होता. या महोत्सवात या निमित्ताने महिलांच्या घुमट पथकाची स्थापनाही झाली.