Swim Events सध्याच्या ताण-तणावयुक्त जीवनात जर स्वतःला आरोग्यपूर्ण राखायचे असेल तर पोहण्यासारखा दुसरा सोपा उपाय नाही. नदीवर किंवा जलाशयावर पोहायला जाणे ही पूर्वी लोकांसाठी सामान्य बाब होती.

त्यातून आनंद तर मिळायचाच पण त्याहीपेक्षा अधिक महत्त्वाचे म्हणजे त्यातून आपले आरोग्यही उत्तम राखले जायचे. पण अलिकडील धकाधकीच्या जीवनात नदीवर जायला वेळ कुणाकडे राहिलाय?

हीच बाब हेरून ‘फिट फॉर लाईफ’ गेल्या 2 वर्षांपासून फिट फॉर लाइफ: स्विम इव्हेंट्स आयोजित करत आहे. या इव्हेंटमध्ये संपूर्ण कुटुंबाचा समावेश होत असल्यामुळे त्याला लोकांकडून फारच चांगला प्रतिसाद मिळतो. असाच एक इव्हेंट केपे येथील जलतरण तलावावर हल्लीच आयोजित करण्यात आला होता.

जलतरण तलावातील मजा आणि उत्साह अनुभवण्याचा तो एक अविस्मरणीय दिवस होता. यात विशेष क्षमतेच्या काही मुलांसह सर्व वयोगटातील आणि स्तरावरील जलतरणपटू एकत्र आले होते. 100 हून अधिक लोक त्यात सहभागी झाले होते आणि तितक्याच संख्येने प्रेक्षकही उपस्थित असल्याने हा कार्यक्रम जल्लोषपूर्ण ठरला.

या उत्सवात सहभागी झालेल्यांनी नियमित तसेच अपारंपरिक जलतरण शर्यतींचा आणि आपल्या उत्साहाचे आणि पराक्रमाचे प्रदर्शन करत जलसंबंधित आव्हानांचा आनंद घेतला.

तिथले सारे वातावरण त्यावेळी हशा, जल्लोष आणि मैत्रीपूर्ण स्पर्धेच्या भावनेने भारून गेले होते. कित्येक जलतरणपटू तर वय विसरून आपले कर्तृत्व सिद्ध करून गेले.

हा कार्यक्रम जेव्हा संपला तेव्हा सहभागी आणि प्रेक्षक, त्यांच्या चेहऱ्यावर हसू आणि खूप आनंदी आठवणी घेऊन निघून गेले. ‘फिट फॉर लाइफ’ने सामुदायिक सहभाग, निरोगी जीवनशैली, आणि स्थानिक लोकांमध्ये पोहण्याबद्दलच्या प्रेमाला प्रोत्साहन देण्याचे आपले ध्येय साध्य केले होते.

जलतरणाची संधी देणारा हा इव्हेंट आयोजकांचा वार्षिक कार्यक्रम असेल आणि भविष्यात तो गोवा आणि भारताचे प्रतिनिधित्व करणारी चांगली प्रतिभा पुढे आणेल असा विश्वास या इव्हेंटचे आयोजक ज्यो कॉस्टा परेरा यांनी व्यक्त केला.