Bird  Dainik Gomantak
ब्लॉग

Blog: घर थकलेले संन्यासी

झाडांनी आपली पालवी गमावल्यानंतर सडेफटिंग झालेले हे पक्षी आपली पथारी तिथे अजून काय म्हणून पसरून आहेत हे मात्र कळायला मार्ग नाही.

गोमन्तक डिजिटल टीम

Bird पणजीहून मडगांवच्या दिशेने जाताना, पणजी बसस्टॅण्डवरुन सुमारे अडिच किलोमीटर अंतरावर डाव्या हाताला, वाळून गेलेल्या खारफुटीचे जराजर्जर बन दिसते.

एक विशिष्ट भाग नेमकेपणे आखून त्यामधल्या झाडांचे हिरवेपण कुणीतरी कारस्थानाने खुडून टाकले आहे हे कळायला फारसा उशीर लागत नाही. ती शुष्क झाडे, खालचे काळवंडलेले हिरवे पाणी अशा त्या ठप्प मरणांतिक देखाव्याला, काही पक्ष्यांच्या तिथल्या हालचालींनी मात्र थोडीशी जिवंत धुगधुगी आल्यासारखी होते.

कदाचित  हे पक्षी तिथले पूर्वीपासूनचे रहिवासी असू शकतात. उजाड होत जाणारे आपले हे घर कदाचित त्यांना सोडवत नसावे.

झाडांनी आपली पालवी गमावल्यानंतर सडेफटिंग झालेले हे पक्षी आपली पथारी तिथे अजून काय म्हणून पसरून आहेत हे मात्र कळायला मार्ग नाही. संध्याकाळ झाली की ही जागा त्यांच्या पंखांच्या फडफडाटाने अधिकच भळभळल्यासारखी होते.

करकोचे, बगळे, घारी आदी पक्ष्यांचे दर्शन या सुकलेल्या खारफुटीच्या बनात अजूनही नियमितपणे होते. आपले अन्न मिळवण्यासाठी खालच्या गढूळलेल्या हिरवट पाण्यात यापैकी काही पक्षी आपली चोच बुडवताना दिसत असतात. वाळलेल्या फांद्यांच्या बेचक्यात काही पक्ष्यांची घरटी अजूनही तग धरून आहेत.

या खारफुटीच्या बनाची ही दशा अशी का झाली याचा शोध घ्यायचा गंभीर प्रयत्न मात्र होताना दिसत नाही.  तिथल्या उरलेल्या खारफुटीचे भविष्यही टांगणीला लागलेले आहे. मध्यंतरी वनमंत्र्यांनी तिथे स्वतः येऊन पाहणी केली होती.

मात्र या प्रकरणाचा मागोवा घ्यायचा प्रयत्न त्यांनी कशाप्रकारे केला हे कळायला मार्ग नाही. खारफुटी ही भूमीच्या संरक्षणाची ढाल आहे. पूर, तुफानांना झेलून घेऊन ही झाडे आपल्या आसपासच्या प्रदेशांचे रक्षण करतात. 

पण सध्यातरी त्यांच्या आणि त्यांच्यात वसलेल्या जीवांच्या रक्षणाचा प्रश्न गंभीरपणे उभा आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

Goa Water Crisis: 'जल है तो कल है'! यंदाच्या अपुऱ्या पावसामुळे गोव्यात पाणीटंचाईचे गडद संकट

SCROLL FOR NEXT