व्हॉट्सअ‍ॅप एक नवीन फीचर घेऊन येत असल्याची माहिती समोर येत आहे. या फीचरच्या मदतीने यूजर्स ग्रुप चॅटमध्ये 512 सदस्य अ‍ॅड करू शकणार आहे. सध्या 256 लोकांना एका ग्रुपमध्ये जोडता येत आहे. याशिवाय, मेसेजिंग प्लॅटफॉर्म 2GB पर्यंतच्या फायली शेअर करणे आणि संदेशांवर इमोजी प्रतिक्रिया देण्यासह अनेक वैशिष्ट्ये देखील आणणार आहे. (WhatsApp users will be gifted with a new feature in group chat)

WABInfo च्या ताज्या अहवालानुसार, हे वैशिष्ट्य WhatsApp च्या लेटेस्ट स्टेबल अपडेट सर्व वापरकर्त्यांसाठी सुरू करण्यात आले आहे. सध्या काही युजर्सना त्यांच्या व्हॉट्सअ‍ॅपवर हे फीचर वापरण्यासाठी आणखी 24 तास थांबावे लागणार आहे. रिपोर्टमध्ये ग्रृप चॅटमधील 512 सहभागींच्या रोलआउटची पुष्टी करतो.

2GB पर्यंत फायली शेअर करा,

सध्या WhatsApp 2GB पर्यंतच्या फायली शेअर करण्याच्या फीचरवर काम करत आहे. सध्या व्हॉट्सअ‍ॅपवर 100 एमबीपर्यंतच्या फाइल्स शेअर केल्या जाऊ शकतात. मेटा-मालकीच्या अ‍ॅपने अलीकडेच इमोजी रिअ‍ॅक्शन फीचर सादर केले, ज्यामुळे लोकांना त्यांच्या भावना मजकुराऐवजी इमोजीद्वारे व्यक्त करता येतात.

मेसेज एडिट करण्यात सक्षम असेल

व्हॉट्सअ‍ॅप सध्या नवीन गोष्टीवर टेस्टिंग करत आहे. आणि हे फिचर तेव्हा उपयोगी येणार आहे जेव्हा वापरकर्त्याने चुकून 'डिलीट फॉर एव्हरीवन' ऐवजी 'डीलीट फॉर मी' पर्याय निवडणार आहे. याशिवाय व्हॉट्सअ‍ॅपवर पाठवलेला मेसेज एडिट करण्याचा पर्यायही यामध्ये असणार आहे. हे फीचर यूजर्सना मेसेज टाइप करताना झालेल्या चुका सुधारण्यास मदत करणार आहे. यासाठी त्यांना संपूर्ण चॅट डिलीट करावे लागणार नाही किंवा नवीन टेक्स्ट मेसेज लिहावा लागणार नाहीये.