जर तुम्हाला बजेटमध्ये कार घ्यायची असेल तर टाटा आणि मारुती कार एक उत्तम पर्याय ठरु शकतात. टाटा टियागोला यावर्षी एक नवीन अपडेट मिळाले आहे. पण मारुती स्विप्टला गेल्या वर्षीच अपडेट मिळाले. टाटा टियागो आणि मारुती स्विफ्ट त्यांच्या शानदार फिचर्ससाठी लोकप्रिय आहेत. या दोन्ही कार क्लासिक डिझाइन, अफलातून फिचर्स आणि उत्कृष्ट कामगिरीमुळे ग्राहकांच्या पसंतीस उतरल्या आहेत. अशा परिस्थितीत, जर तुम्ही या दोन्ही कारपैकी कोणती कार खरेदी करायची याबाबत गोंधळलेले असाल तर तुम्ही तुमच्या बजेट आणि गरजेनुसार निर्णय घेऊ शकता. येथे आम्ही तुम्हाला या दोन्ही कारबाबत सविस्तररित्या सांगणार आहोत...

अपडेटेड टाटा टियागो की मारुती स्विफ्ट?

मारुती स्विफ्ट बोल्ड आणि स्पोर्टी लूकमध्ये येते. या कारमध्ये (Car) तुम्हाला क्रोम ग्रिल, एलईडी डीआरएल, डायमंड-कट अलॉय व्हील्स आणि एलईडी प्रोजेक्टर हेडलॅम्प पहायला मिळतील. कार तिच्या शानदार डिझाइनमुळे खूपच स्टायलिश दिसते. जर टाटा टियागोबद्दल बोलायचे झाल्यास, तिचे डिझाइन अगदी प्रीमियम आणि कॉम्पॅक्ट दिसते. त्यात सिग्नेचर ट्राय-एरो ग्रिल आहे. याशिवाय, एलईडी डीआरएल, ड्युअल-टोन अलॉय व्हील्स दिसत आहेत.

कोणती कार जास्त मायलेज देते?

मारुती स्विफ्ट 25-26 किमी/लीटर मायलेज देऊ शकते. टाटा टियागो सीएनजीचा मायलेज मॅन्युअल आणि ऑटोमॅटिक अशा दोन व्हेरिएंटच्या ट्रान्समिशनमध्ये उपलब्ध आहे. मॅन्युअल व्हेरिएंट प्रति किलोग्रॅम 26.49 किलोमीटर मायलेज देते. तर ऑटोमॅटिक व्हेरिएंट प्रति किलोग्रॅम 28.06 किलोमीटर मायलेज देते.

बजेट फ्रेंडली आणि सुरक्षितता कार

मारुती स्विफ्टच्या बेस व्हेरिएंटची सुरुवातीची किंमत 6.49 लाख रुपये आहे. त्याच्या टॉप मॉडेलची किंमत 9.65 लाख रुपये आहे. मारुती स्विफ्टच्या सीएनजी व्हेरिएंटची किंमत 8.19 लाख रुपये आहे. दुसरीकडे, टाटा टियागोची बेस व्हेरिएंट खरेदी करण्यासाठी तुम्हाला 4.99 लाख रुपये मोजावे लागतील. टाटा टियागोच्या टॉप मॉडेलची किंमत 7.45 लाख रुपये आहे. तर टाटा टियागोच्या सीएनजी व्हेरिएंटची किंमत 5.99 लाख रुपये आहे. मारुती स्विफ्टमध्ये जास्त मायलेज आणि अॅडव्हान्स फिचर्स आहेत. पण जर तुम्हाला बजेट फ्रेंडली आणि सुरक्षितता कार हवी असेल तर टाटा टियागो हा उत्तम पर्याय असू शकतो.