Tata Group Share Price: टाटा समूहाने आता आणखी एक मोठा करार केला आहे. हा करार टाटा पॉवरने केला आहे. या करारांतर्गत कंपनी महाराष्ट्रातील प्रकल्पांमध्ये 13,000 कोटी रुपयांची गुंतवणूक करणार आहे. या करारामुळे टाटा पॉवर कंपनी लिमिटेडचे शेअर्स आज फोकसमध्ये आहेत. टाटा समूहाच्या कंपनीने 8 ऑगस्ट रोजी महाराष्ट्र सरकारसोबत राज्यात 2,800 मेगावॅट क्षमतेचे दोन मोठे हायड्रो स्टोरेज प्रकल्प (PSPs) विकसित करण्यासाठी करार केला.
मागील सत्रात टाटा पॉवरचा शेअर बीएसईवर 0.52 टक्क्यांनी वाढून 233.85 रुपयांवर बंद झाला. BSE वर कंपनीचे मार्केट कॅप वाढून 74,723 कोटी रुपये झाले. टाटा पॉवरच्या शेअरने मंगळवारी 236.50 रुपयांचा इंट्राडे उच्चांक गाठला. कंपनीचा शेअर आज 234.45 रुपयांवर ट्रेड करत आहे. आजही शेअरमध्ये तेजी पाहायला मिळत आहे.
टाटा पॉवरने सांगितले की, महाराष्ट्रातील हायड्रो स्टोरेज प्रकल्पांशी संबंधित योजनांमध्ये गुंतवणूक केली जाईल. यामध्ये सुमारे 13 हजार कोटींची गुंतवणूक होणार आहे. पुण्यातील शिरवता आणि रायगडमधील भिवपुरी येथे हे दोन्ही प्रकल्प उभारले जाणार आहेत. त्यात पुणे प्रकल्पाची क्षमता 1800 मेगावॅट ठेवण्याचा निर्णय घेण्यात आला आहे. त्याचवेळी, रायगडमध्ये उभारण्यात येणाऱ्या प्रकल्पाची क्षमता एक हजार मेगावॅट असेल.
टाटा पॉवर कंपनी ही इंटीग्रेटिड पावर कंपनी आहे. कंपनी इलेक्ट्रिक पॉवर जनरेशनचे ट्रान्समिशन आणि वितरण, इलेक्ट्रॉनिक उत्पादने आणि सेवा व्यवसायात गुंतलेली आहे. याशिवाय, कंपनी जनरेशनल, रिन्युएबल एनर्जीसह अनेक व्यवसायांमध्ये गुंतलेली आहे.
निवेदनात म्हटले आहे की, हे सहकार्य राज्याला 2028 पर्यंत $1 ट्रिलियन अर्थव्यवस्था बनवण्याच्या ध्येयाकडे नेईल आणि 6,000 पेक्षा जास्त लोकांसाठी रोजगार निर्माण करेल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.